حکومت راجی توانائی ءِ سلامتی ءِ رکھینگ ءُ بدل بوھوکیں جھان ءِ تک ءَ بے رکاوٹیں سپلائی چین ءَ را دل یکیمی کنگ ءِ واستہ سرجمی ءَ پابند اِنت، وزیر ھزانگ محمد اورنگزیب ءَ مزن وزیر ءِ نیمگ ءَ جوڑ کتگیں کمیٹی ءِ دیوان ءَ گوں تران

اسلام آباد ۔ 9مارچ(اے پی پی): وفاقی وزیر خزانہ ءُُ آمدنی سینیٹر محمد اورنگزیب ءَ گوشت کہ جتا جتائیں وزارت آنی نیام ءَ پیشگی منصوبگ بندی ءُ نزیکیں رابطہ ءِ آسر ءَ پاکستان ءَ توان ءِ پھجاری ءِ جاور ھال مھکم ءُُ جوانیں رنگ ءَ انتظام کنگ ءَ انت۔ حکومت مارکیٹ ءِ استحکام ءِ برجائی، راجی توانائی ءِ سلامتی ءِ رکھینگ ءُُ بدل بوھوکیں جھان ءِ منظر نامہ ءِ تہ ءَ بے رکاوٹیں سپلائی چین ءَ را دل یکیمی کنگ ءِ واستہ سرجمی ءَ جزم اِنت۔ آئی ءَ اے گپ دو شمبے ءِ روچ ءَ خطہ ءِ تہ ءَ پیداکیں جاور ھال آنی درگت ءَ پٹرول ءِ نہاد آنی سر ءَ چار ءُُ تپاسی ءِ واستہ مزن وزیر ءِ نیمگ ءَ جوڑ کتگیں کمیٹی ءِ دیوان ءِ سروکی ءَ کنان ءَ گوشت۔ کمیٹی ءَ دو شمبے ءِ روچ ءَ توانائی ءِ شوبگ ءِ تہ ءَ پیشرفت ءِ روچ پہ روچ چار ءُُ تپاسی برجاہ داشتگ ءُ بدل بوھوکیں دمگی جاور ھال آنی رد ءَ راجی تک ءَ تیاری آنی سر ءَ ھم چار ءُ تپاسی کتگ۔ دیوان ءَ بدل بوھوکیں دمگی ءُ جھان ءِ توانائی ءِ جاور ھال آنی سر ءَ سرجمیں رنگ ءَ چار ءُُ تپاسی کنگ بوت ءُ سرجمیں ملک ءَ پٹرولیم ءِ چیز آنی ذخیرہ آنی جاور ھال آنی سر ءَ سرجمیں رنگ ءَ چار ءُ تپاسی کنگ بوت۔ دیوان ءَ خام تیل ءُُ ریفائنڈ پٹرولیم ءِ چیز آنی استیں راجی انوینٹری، جاری درآمد ءِ بندوبست ءُُ سپلائی چین ءِ رسد ءِ بابت ءَ سرپدی دیگ بوت، ایشی ءِ تہ ءَ اے وھد ءَ روٹ ءَ جہاز آنی تفصیل ءُ راجی ذخائر ءَ را گیش مھکم کنگ ءِ واستہ گیشیں شپمنٹ ءِ بندوبست کنگ بوھگ ءَ انت۔ کمیٹی ءَ اے گپ ءِ سر ءَ دل یکیمی ءِ درشانی کت کہ پٹرولیم ءِ چیز آنی ذخائر وشیں تک ءَ اَنت ءُ سپلائی چین جوانیں رنگ ءَ کار کنگ ءَ اِنت، وھدیکہ آیوکیں ھپتگ آنی تہ ءَ سپلائی ءِ برجائی ءَ را دل یکیمی کنگ ءِ واستہ بازیں شپمنٹ ءُُ درآمد ءِ بندوبست آناں گڈی رنگ دیگ بوتگ۔ کمیٹی ءِ باسک آناں جہانی خام تیل ءُ ریفائنڈ پٹرولیم ءِ پیداوار ءِ نرخ آنی تہ ءَ نوکیں رجحان آنی بابت ءَ ھم سرپد کنگ بوتگ کہ ایشی ءِ تہ ءَ گوستگیں لھتیں روچ آنی تہ ءَ دمگ ءِ جیو پولیٹیکل دیمروئی آنی سبب ءَ مزنیں ردوم ءِ ھوار بوتگ۔ کمیٹی ءَ بینچ مارک خام تیل ءِ نرخ آنی نقل و حرکت ءُُ ریفائنڈ پروڈکٹ ءِ نرخ آنی رجحان ءَ ھوار میاں اوستمانی مارکیٹ ءِ اشارہ آنی چار ءُُ تپاسی کتگ ءُُ توانائی ءِ جھان ءِ مارکیٹ ءِ ممکنہ منظرنامہ آنی ھم تجزیہ کتگ۔ دیوان ءَ سرپد کنگ بوت کہ حکومت جھان ءِ نرخ آنی تہ ءَ بدلی آنی سر ءَ نزیکی ءَ گوں چار ءُُ بچار کنگ ءَ اِنت ءُ ملک ءِ توانائی ءِ سلامتی ءُ اقتصادی استحکام ءِ رکھینگ ءِ واستہ مدام منصوبگ بندی کنگ ءَ اِنت۔ دیوان ءَ خام تیل ءِ درآمد، ریفائنری آپریشن ءُُ میری ٹائم ٹرانسپورٹ ءِ ھوالگ ءَ رسد ءُُ آپریشنل بندوبست آنی سر ءَ ھم چار ءُُ تپاسی کنگ بوت ایشی ءِ تہ ءَ میاں اوستمانی سپلائر آنی گوما ھمگرنچی ءُُ شپنگ ءِ بندوبست ھوار اَنت۔ سیادی داروکیں واکداراں کمیٹی ءَ را سرپد کت کہ کارگو ءِ نقل و حرکت ءِ آسراتی ءُ ریفائنری ءُ سپلائی انفراسٹرکچر ءِ بے رکاوٹیں کارکردگی ءَ را دل یکیمی کنگ ءِ واستہ گامگیج کنگ بوھگ ءَ انت۔ کمیٹی ءَ اے گپ ءِ سر ءَ زور پر دات کہ ریفائنری آنی پیداواری گنجائش ءَ را گیش ءَ چہ گیش تک ءَ برجم دارگ بہ بیت ءُُ درستیں اسٹیک ہولڈر آنی نیام ءَ موثر رابطہ کاری جوڑ کنگ بہ بیت تانکہ ایندھن ءِ دستیابی راجی تک ءَ برجائی بہ بیت۔ سپلائی ءِ نیمگ ءَ گامگیج آنی گوما کمیٹی ءَ را توانائی ءِ سلامتی ءُُ لوٹ ءِ بندوبست ءِ واستہ بازیں ھدف مندیں تجویز ھم پیش کنگ بوتگ اَنت کہ ایشی ءِ مول ءُُ مراد جھان ءِ بے رھبندی ءِ وھد ءَ ایندھن ءِ درآمد آنی سر ءَ دباؤ ءَ را کم کنگ اِنت۔ سرکاری پڑ ءَ ایندھن ءِ جوانیں کارمرد، آپریشنل ایڈجسٹمنٹ ءُ توانائی ءِ رکھینگ ءِ ھوالگ ءَ جتا جتائیں گامگیج آنی سر ءَ چار ءُ تپاسی کنگ بوتگ۔ دیوان ءَ را گوشت دیگ بوت کہ ذمہ واریں کارمردی ءُ ھدف مندیں توان ءِ رکھینگ ءِ وسیلگ ءَ ایندھن ءِ درآمد آنی تہ ءَ مزنیں کساس ءَ بچت ممکن اِنت ایشی ءَ چہ راجی اقتصادی استحکام ءَ را ھم مھکم کنگ بیت۔ کمیٹی ءَ ہوابازی ءُ رسد ءِ شوبگ ءِ سٹیک ہولڈر آنی نیمگ ءَ چست کتگیں لھتیں آپریشنل جیڈھ آناں ھم نوٹ کتگ ءُُ سیادی داروکیں واکدار آناں ہدایت کتگ کہ آ اے جیڈھ ءَ را سرجمی ءَ چار ءُُ تپاسی بہ کن اَنت ءُُ آیوکیں دیوان ءَ یک سرجمیں رپورٹ پیش بہ کن اَنت۔ کمیٹی ءَ صوبائی حکومت آنی گوما ھمگرنچی ءِ میکانزم ءِ سر ءَ ھم چار ءُُ تپاسی کتگ تانکہ پٹرولیم ءِ چیز آنی دستیابی ءِ سر ءَ جوانیں نگرانی ءَ را دل یکیمی کنگ ءُ سپلائی ءِ تہ ءَ ھرچ وڑیں ممکنہ رکاوٹ ءَ چہ بچگ بہ بیت۔ صوبہ آناں کمیٹی ءَ را پٹرول پمپ آنی سر ءَ برجاھیں نفاذ ءِ گامگیج ءُُ معائنہ ءِ بابت ءَ سرپدی دات وھدیکہ وفاقی حکام ءَ شریکیں مردم آناں یک یکجاھیں نگرانی ڈیش بورڈ ءِ جوڑ کنگ ءِ بابت ءَ سرپدی دات کہ ایشی ءِ وسیلگ ءَ سرجمیں ملک ءَ اسٹاک ءِ کچ ءُُ خوردہ سپلائی ءِ جاور ھال آنی ریئل ٹائم مانیٹرنگ ءَ را گیش گہتر کنگ بیت۔ وزیر خزانہ محمد اورنگزیب ءَ گوشت کہ حکومت ءِ اولی ترجی سرجمیں ملک ءَ پٹرولیم ءِ چیز آنی بے رکاوٹیں سپلائی ءَ را دل یکیمی کنگ اِنت۔ آئی ءَ گوشت کہ اگاں اے وھد ءَ توان ءِ جھان ءِ مارکیٹ آنی تہ ءَ سکیں نا وشھالی ءِ آماچ انت بلے جتا جتائیں وزارت آنی نیام ءَ پیشگی منصوبگ بندی ءُُ نزیکیں رابطہ ءِ سبب ءَ پاکستان ءِ سپلائی ءِ جاور ھال مھکم ءُُ جوانیں رنگ ءَ انتظام کنگ بوھگ ءَ انت۔ وزیر خزانہ ءَ گیش گوشت کہ کمیٹی توانائی ءِ جھان ءِ مارکیٹ آنی تہ ءَ دیمروئی، ملکی اسٹاک ءِ جاور ھال ءُُ سپلائی چین ءِ حرکیات ءِ سر ءَ روچ پہ روچ نزیکی ءَ گوں چار ءُ تپاسی ءَ کنت تانکہ وھد ءُ پاس ءُُ ھمگرنچیں پالیسی ءِ پسو ءَ را دل یکیمی کنگ بہ بیت۔ آئی ءَ یک رندے پدا گوشت کہ حکومت اے بدل بوھوکیں جھان ءِ جاور ھال آنی تہ ءَ مارکیٹ ءِ استحکام ءِ برجائی، راجی توانائی ءِ سلامتی ءِ رکھینگ ءُ بے رکاوٹیں سپلائی چین ءَ را دل یکیمی کنگ ءِ واستہ سرجمیں رنگ ءَ جزم اِنت۔ گند ءُ نند ءَ پٹرولیم ءِ وفاقی وزیر علی پرویز ملک، راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رناتن نویر حسین، تجارت ءِ وزیر جام کمال خان، وفاقی وزیر سمندری کار محمد جنیدانور چوہدری ءُ خزانہ ءِ وزیر مملکت بلال آزہ ءَ شریک بوتگ۔ راکیانی ءَ ابید وفاقی سیکرٹری ءُ سیادی داروکیں وزارت، ڈویژن ءُ ریگولیٹری باڈیز ءِ مزنیں کارندہ آں بہر زرتگ۔