حکومت کھد ءِ پیداوار ءُ سپلائی ءِ سرا ہمگام ءُ جوانیں رنگ ءَ نگرانی کنگ ءَ انت، وزارت ءِ راجی فوڈ سیکیورٹی ءُُ پٹ ءُ پول

اسلام آباد۔ 9 مارچ(اے پی پی): وفاقی وزیر راجی فوڈ سیکیورٹی ءُ پٹ ءُ پول رانا تنویر حسین ءِ سروکی ءَ دو شمبے ءِ روچ ءَ کھد ءِ جائزہ کمیٹی ءِ مزن تک ءِ دیوان برجم دارگ بوت۔ دیوان ءِ تہ ءَ درستیں کلیدی سٹیک ہولڈر، کود جوڑ کنوکیں کمپنی آنی نمائندگ ءُُ سیادی داروکیں محکمہ آنی مزنیں کارندہ آناں بھر زوری کتگ۔ وزارت ءِ راجی خوراک سلامتی ءُُ پٹ ءُُ پول ءِ نیمگ ءَ چہ جاڑی بوتگیں بیان ءِ رد ءَ دیوان ءَ یوریا ءُُ ڈی اے پی کود ءِ استیں لوٹ ءُُ گزر ءِ سر ءَ چار ءُُ تپاسی کنگ بوتگ ھاسیں رنگ ءَ دمگ ءَ دیم ءَ اتکگیں چیلنج آنی رد ءَ۔ گند ءُُ نند ءِ ساھت ءَ وفاقی وزیر ءَ اے گپ ءِ سر ءَ زور پر دات کہ حکومت مارکیٹ ءِ سر ءَ چماں دارگ ءَ اِنت ءُُ کشت ءُُ کشاری ءِ ھرچ وڑیں بے وسی ءِ بار ءَ چہ رکھینگ ءَ دل یکیمی کنت۔ دیوان ءَ را سرپد کنگ بوت کہ کھاد ءِ درستیں پلانٹ کار کنگ ءَ اَنت ءُُ گیس ءِ بے رکاوٹ ءَ گوں پیداوار بے رکاوٹ ءَ برجاہ اِنت وھدیکہ ڈی اے پی پلانٹ ھم سرجمی ءَ کار کنگ ءَ اَنت۔ ایشی ءَ ابید رسد ءِ نظام ھم جوانیں رنگ ءَ کار کنگ ءَ اِنت ءُُ آیوکیں وھد ءَ ھرچ وڑیں رکاوٹ ءِ دیم ءَ دارگ ءِ ھاترا ہنگامی منصوبگ تیار کنگ بوتگ اَنت۔ وفاقی وزیر رانا تنویر حسین ءَ دل یکیمی دات کہ حکومت متبادل سپلائی میکانزم ءِ سر ءَ عمل کنگ ءِ واستہ سرجمی ءَ تیار اِنت تانکہ کھاد ھرچ جاور ھال ءَ کشت ءُُ کشاری ءَ سر بہ بیت ءُُ کشت ءُُ کشاری پیداوار ءُُ فوڈ سیکیورٹی ءِ رکھینگ بہ بیت۔ دیوان ءَ اے گپ ءِ سر ءَ ھم زور پر دیگ بوت کہ بنجاہی ءُ صوبائی تک ءَ نرخ آنی نگرانی المی اِنت تانکہ مصنوعی کمی ءَ چہ بچگ بہ بیت یا ذخیرہ کنگ ءُُ کھاد کشت ءُ کشاری آنی واستہ دستیاب ءُ ارزان بہ بیت۔ وفاقی وزیر ءَ گیش گوشت کہ ملکی پیداوار ءَ را مھکم کنگ ءُُ درآمد آنی سر ءَ انحصار ءَ را کم کنگ ءِ واستہ حکمت عملی جوڑ کنگ بوھگ ءَ اِنت۔ آئی ءَ صنعت کار، ڈسٹری بیوٹر ءُ صوبائی واکدار آنی نیام ءَ ھمگرنچی ءِ ضلورت ءِ سر ءَ ھم زور پر دات تانکہ سپلائی چین بے رکاوٹ ءَ برجاہ بہ بیت۔ گند ءُ نند ءِ گڈ ءَ راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ گوشت کہ حکومت خطہ ءِ تہ ءَ رکاوٹ آنی باوجود کشت ءُ کشاری ءِ رکھینگ ءِ واستہ جزم انت ءُ کھاد ءِ مارکیٹ ءَ را مھکم دارگ ءِ واستہ فعال گامگیج برجاہ دار ایت تانکہ کشت ءُ کشاری ءِ انوگیں ءُ آیوکیں لوٹ آناں پیلو کنگ بہ بیت۔