لہتیں وھد پیسر غیر مجازیں مردماں پارلیمنٹ لاج آنی تہ ءَ امن ءُ ایمنی ءِ جیڑھ جوڑ کنگ ءِ کوشست کتگ، اسپیکر ءِ کارگس طلال چوہدری ءِ ھمگرنچی ءَ سیکورٹی ءِ گامگیج چست کنگ بوتگ

اسلام آباد۔ 9 مارچ (اے پی پی): وزیر مملکت ءِ تہی کار طلال چوہدری ءَ گوشت کہ لھتیں وھد پیسر پارلیمنٹ لاج آنی تہ ءَ نا مجازیں مردماں امن ءُُ ایمنی ءِ جیڈھ جوڑ کنگ ءِ کوشست کتگ پمیشکا ادا اسپیکر کارگس ءِ سروکی ءَ سیکورٹی گامگیج چست کنگ بوتگ۔ ادا زھرشانی کنوک ھم ھانداناں آزار دیگ ءَ اتنت۔ دوشمبے ءِ روچ ءَ قومی اسمبلی ءَ جست ءُُ پرس ءِ ساھت ءَ نور عالم خان ءِ نیمگ ءَ چست کتگیں نکات آنی پسو ءَ طلال چوہدری ءَ گوشت کہ اسمبلی ءُ پارلیمنٹ لاج آنی انتظامی وزارت تہی کار آنی گوما نہ انت بلکیں صدر ءِ کارگس ءِ گوما انت۔ ما چہ اسپیکر ءِ چیمبر ءَ رستگیں پرمان یا ہدایتانی سرا عمل کنیں۔ ما چہ اسپیکر چیمبر ءَ جست کنگ ءَ ابید ھچ وڑیں سیکورٹی بندوبست نہ کنیں۔ گوستگیں وھداں پارلیمنٹ ءِ لاجاں بے مجازیں مردم جم کنگ بوتگ اَنت۔ اے گپ ءِ سبب ءَ امن ءُ ایمنی ءِ جیڑہ ءِ پیداک بوھگ ءِ امکان ات۔ ھمے ھاتر ءَ سیکورٹی ءِ گامگیج اسپیکر ءِ کارگس ءَ گوں مشورہ کنگ بوتگ ۔ ادا اے بے مجازیں مردماں پارلیمنٹ ءِ باسک ءِ ھانداناں آزار ءُ اذیت کتگ ءُ مظاہرہ ھم کتگ۔ اسمبلی ءِ دیوان ءِ نہ بوھگ ءَ ابید ھم چہ در ءَ مردماں آرگ ءَ امن ءُ ایمنی ءِ جیڑھ ءِ جوڑ کنگ ءِ جھد کنگ بوتگ۔ یک جُستے ءِ پسو ءَ آئی ءَ گوشت کہ پارلیمنٹ لاجز ءَ چہ پارلیمنٹ گس ءَ تاں انڈر پاس جوڑ کنگ ءِ واستہ فنڈ پھجاری کنگ بہ بیت۔ ما یک انڈر پاسے جوڑ کنیں۔