دبئی ۔ 09 مارچ (اے پی پی) متحدہ عرب امارات اٹی پاکستان نا سفیر شفقت علی خان دبئی نا پورٹ راشد اٹی وسٹا میری ٹائم ٹریول اینڈ ٹورازمنا کنڈ آن خلوک آ روچہ باملنگ ٹینٹ انا دورہ ءِ کرے، ہراڑے روچہ نا تُو انا مقدس تُو اٹی ہڑدے سد آ بندغ آتے باملنگ و خور فراوان کننگ انگ ءِ، ہرا کمیونٹی نا خذمت نا جوزہ نا رد اٹ قدر …
یو اے ای ٹی پاکستانی سفیر شفقت علی خان نا روچہ باملنگ ٹینٹ انا دورہ
دبئی ۔ 09 مارچ (اے پی پی) متحدہ عرب امارات اٹی پاکستان نا سفیر شفقت علی خان دبئی نا پورٹ راشد اٹی وسٹا میری ٹائم ٹریول اینڈ ٹورازمنا کنڈ آن خلوک آ روچہ باملنگ ٹینٹ انا دورہ ءِ کرے، ہراڑے روچہ نا تُو انا مقدس تُو اٹی ہڑدے سد آ بندغ آتے باملنگ و خور فراوان کننگ انگ ءِ، ہرا کمیونٹی نا خذمت نا جوزہ نا رد اٹ قدر انا قابل ءُ گام اسے ۔ دا پدریسہ مسٹمیکو سال ءِ کہ یو اے ای ٹی جوڑ پاکستانی کاروباری گروپ دا افطار ٹینٹ نا بست و بند ءِ کننگ اٹی ءِ، ہرا روچہ دار تا ہمدری و خلقِ خدا نا خذمت نا جوزہ نا عکاسی ءِ کیک۔تینا دورہ نا وخت آ سفیر شفقت علی خان بشخ ہلوک آتیٹی خور انا ڈبہ بشخا و اوفتے تون وخت گدریفے اجتماعی دعا ٹی بشخ ہلک و اوفتے تون اوار باملا۔ پاکستانی سفیر سی ای او ڈاکٹر ظفر طاہر رضوی و اونا انتظامیہ ءِ دا گچین آ کاریم آ شاباشی ترسا پارے کہ یو اے ای ٹی پاکستانی کاروباری ادارہ غاک مثبت کڑد ادا کرسا کمیونٹی نا راجی آسودہی ٹی تینا بشخ ءِ شاغنگ اٹی ءُ۔ او دبئی نا کمامدار آتا ہم منت واری ءِ ہرفے ہرافک باملنگ ٹینٹ انا جوڑ کننگ اٹی کمک فراوان کریر۔
