اوغان طالبان و فتنۃ الخوارج آتا برخلاف پاک فوج انا گچین ڈغاری و فضائی کارروائیک برجاء، پکتیکا ٹی شاہین بیس نا امیونیشن ڈپو پورو بھس ، سویلی وزیرستان تون کیبی اوغان طالبان تا پوسٹ ءِ دھماکہ خیز مواد اٹ اٹ بھس کننگا

اسلام آباد ۔ 09مارچ (اے پی پی ) اوغان طالبان و فتنۃ الخوارج آتا برخلاف پاک فوج انا ڈغاری و فضائی کارروائیک برجاء ، پکتیکا ٹی شاہین بیس نا امیونیشن ڈپو پورو بھس و سویلی وزیرستان تون کیبی اوغان طالبان تا اسہ پوسٹ اس دھماکہ خیز مواد اٹ بھس کننگا ۔ سکیورٹی حوالی نا رد اٹ اوغان طالبان و فتنۃ الخوارج آتا برخلاف پاک فوج انا گچین ورندی کارروائیک برجاء ءُ۔ دا کارروائی تیٹی پاک فوج سرسہب کارروائی کرسا پکتیکا ٹی شاہین بیس نا امیونیشن ڈپو ءِ پورو بھس کرے ۔سکیورٹی حوالی نا رد اٹ پاک اوغان بارڈرآ اوغان طالبان و فتنۃ الخوارج آتا ٹھکانہ و فوجی تنصیبات آتے شست کننگ انگ ءِ، آپریشن غضب للحق داسکان برجاء ءِ و تینا ہدف آتا دوئی مننگ اسکان برجاء سلک۔ سکیورٹی حوالی نا رد اٹ پاک فوج شوال سویلی وزیرستاناٹی وخت آ کارروائی کرسا کیبی اوغان طالبان تا پوسٹ ءِ شست کرے ہرا نا سوب آن اوغان طالبان و فتنۃ الخوارج آک نرنگ آ بیوس مسُر و اوغان طالبان تا دا پوسٹ ءِ دھماکہ خیز مواد اٹ بھس کننگا ۔ سکیورٹی حوالی نا رد اٹ پاک فوج اوغان طالبان نا ٹھکانہ و فوجی تنصیبات آتے ہم پدریسہ شست کننگ ءِ ۔