اسلام آباد۔9مارچ (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ گوشت کہ حکومت ءِ وھد ءُ پاس ءِ پیسلہ آنی آسر ءَ ملک ءَ پٹرولیم ءِ چیز آنی سپلائی ہمیشی رنگ ءَ برجاہ اِنت۔ مشکلیں جھان ءِ اقتصادی چاگرد ءَ ما درستاں یک راجے ءِ بستار ءَ ذمہ واری ءِ درشان کنگی اِنت۔ دو شمبے ءِ روچ ءَ چیئرمین مزن وزیر ءِ ورنا …
حکومت ءِ وھد ءُ پاس ءِ پیسلہ آنی آسر ءَ ملک ءَ پٹرولیم ءِ چیز آنی سپلائی ہمیشانی رنگ ءَ برجاہ اِنت، رانا مشہود احمد خان
اسلام آباد۔9مارچ (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ گوشت کہ حکومت ءِ وھد ءُ پاس ءِ پیسلہ آنی آسر ءَ ملک ءَ پٹرولیم ءِ چیز آنی سپلائی ہمیشی رنگ ءَ برجاہ اِنت۔ مشکلیں جھان ءِ اقتصادی چاگرد ءَ ما درستاں یک راجے ءِ بستار ءَ ذمہ واری ءِ درشان کنگی اِنت۔ دو شمبے ءِ روچ ءَ چیئرمین مزن وزیر ءِ ورنا پروگرام رانا مشہود احمد خان ءَ پٹرولیم ءِ چیز آنی نرخ آنی جاور ھال ءِ ھوالگ ءَ یک ھاسیں بیان ءِ تہ ءَ گوشت کہ جھان ءِ مارکیٹ ءَ پٹرولیم ءِ چیز آنی نرخ آنی تہ ءَ غیر معمولی گیشی گندگ بوھگ ءَ اِنت۔ عالمی مارکیٹ ءَ خام تیل ءِ نرخ 110 ڈالر ءَ چہ گیش بوتگ۔ پاکستان ءِ حکومت ءَ وھد ءِ سر ءَ ءُ زمہ واریں پیسلہ کتگ ءُ ملک ءَ را بوت کنوکیں بحران ءَ چہ رکھینگ ءِ واستہ گامگیج کتگ ۔ اگاں دو روچ پیسر پٹرول ءِ نھادانی تہا ایڈجسٹمنٹ نہ بوتگ ات گڈا ملک ءَ مصنوعی کمی ءِ ترس بوتگ ات۔ آئی ءَ گوشت کہ دمگ ءِ ایندگہ ملک آنی استیں جاور ھمے حقیقت ءِ پدّریں درور انت۔ بنگلہ دیش ءَ سرکار ءَ گاڑی ءِ وڑ ءُ پیم ءِ رد ءَ پٹرول ءِ بہا کنگ ءَ بندش جنگ بوتگ۔ مزن وزیر شہباز شریف ءِ سدکیں رھشونی ءِ برکت ءَ پاکستان ءَ اے وڑیں جاور دیم ءَ نہ اتک انت ۔ رانا مشہود احمد خان ءَ گوشت کہ وھد ءِ سر ءَ پیسلہ کنگ آنی آسر ءَ ملک ءَ پٹرولیم ءِ چیز آنی سپلائی ھمیشی رنگ ءَ برجاہ اِنت ایشی ءِ آسر ءَ الس ءَ را ھچ وڑیں بندش ءِ دیمپانی نہ بوھگ ءَ اِنت۔ مشکلیں جھان ءِ اقتصادی چاگرد ءَ ما درستاں یک راجے ءِ بستار ءَ ذمہ واری ءِ درشان کنگ لوٹ ایت۔ آئی ءَ چہ راج ءَ دزبندی کتگ کہ صبر ءُ اوپار ءِ درشان بکن اَنت انشاء اللہ! حکومت ءِ کارآمدیں پالیشی ءُ راجی یکوئی ءِ گوما پاکستان ہم اے چیلنج ءَ چہ سوبمندیں رنگے ءَ درکپ ایت۔
