وفاقی وزیر سردار اویس احمد خان لگاری ءَ گلگت بلتستان ءِ 100 میگاواٹ شمسی منصوبہ ءِ سرا سٹیئرنگ کمیٹی ءِ دیوان ءِ سروکی

اسلام آباد۔9مارچ  (اے پی پی): گلگت بلتستان ءِ 100میگاواٹ ءِ سولر پروجیکٹ ءِ ھوالگ ءَ پاکستان ءِ مزن وزیر ءِ نیمگ ءَ جوڑ کتگیں سٹیئرنگ کمیٹی ءِ دیوان وفاقی وزیر توان سردار اویس احمد خان لیگری ءِ سروکی ءَ برجم دارگ بوت۔ دیوان ءَ کراچی ءَ چہ سولر پینل آنی ڈیلیوری ءُ گلگت بلتستان ءِ الس آنی نیمگ ءَ چہ درخواست آنی سر ءَ چار ءُ تپاسی کنگ بوت ءُ سولر پینل آنی بھر ءُ بانگ ءِ عمل ءَ را شفاف جوڑ کنگ ءِ واستہ لاٹری ءِ کارروائی ءَ را سرجمی ءَ شفاف ءُ منصفانہ دارگ ءِ ہدایت کنگ بوت۔ وفاقی وزیر ءَ اے گپ ءِ سر ءَ زور پر دات کہ لاٹری ھما رنگ ءَ کنگ بہ بیت کہ شفافیت ، ایمانداری ءُ یک وڑیں موہ ءِ اصول آنی رد ءَ بہ بیت۔ آئی ءَ گیش ہدایت کت کہ لاٹری رسانکدر ءُ الس ءِ نمائندگ آنی ھوار بوھگ ءَ کنگ بہ بیت تانکہ سرجمیں عمل ءِ تہ ءَ شفافیت ءُ الس ءِ اعتماد ءَ را دل یکیمی کنگ بہ بیت۔