پاکستان زالبول ءُ زالبول آنی ھک ءُ بااختیار کنگ ءِ ھاترا وتی جزم ءِ سر ءَ مھکم اِنت، اسحاق ڈار

اسلام آباد۔8مارچ  (اے پی پی):  ناءَب مزن وزیر ءُُ دری کارانی وزیر سینیٹر محمد اسحاق ڈار ءَ گوشت کہ ما ھما زالبول آنی جرات، مھکم ءُُ سروکی ءَ را شرپ ءُُ شان پیش کن ایں کہ آھانی جزم ءُُ کوشست ءَ چاگرد آنی تہ ءَ جوانیں بدلی آورتگ، چاگرد آناں مھکم کتگ ءُُ اُمیت ءِ کوراج ءِ پیغام داتگ۔ وزارت ءِ درءَی کار ءِ نیمگ ءَ یک شمبے ءِ روچ ءَ جاڑی بوتگیں بیان ءِ رد ءَ زالبول آنی میاں اوستمانی روچ ءِ موہ ءَ وتی پیغام ءِ تہ ءَ ناءَب مزن وزیر ءُُ درءَی کار آنی وزیر سینیٹر محمد اسحاق دار ءَ گوشت کہ زالبول آنی توار، تواناءَی ءُُ واھشت ھواریں حکومت داری ءُُ اثر ءِ واستہ سک باز المی ءَیں ڈراءَیور اَنت۔ پاکستان زالبول ءُ جنک آنی ھک ءُ بااختیار کنگ ءِ واستہ وتی جزم ءِ سر ءَ مھکم اِنت۔ آءَی ءَ گوشت کہ مءَے آءَین ءَ برابری ءِ ضمانت داتگ ءُُ ھمک رنگ ءِ امتیازی سلوک ءِ ھلاپ ءَ رکھینگ ءِ ضمانت داتگ۔ زالبولانی ھلاپ ءَ ھرچ وڑیں تبعیض ءِ ھلاسی ءِ کنونشن ءِ باسکیں ملک ءِ بستار ءَ پاکستان قانون سازی، پالیسی ءُُ ادارگی اصلاحات ءِ رندگیری ءَ کنگ ءَ اِنت کہ زالبول آنی بھر زوری ءُُ سروکی ءَ را گیش مھکم کنت۔ پاکستان ءَ اے سال ءَ اسلامی کمک ءِ گل ءِ زالبولانی ھوالگ ءَ 9می وزارتی کانفرنس ءِ میزبانی کنگ ءِ سر ءَ ھم فخر اِنت کہ اے مءَے اسلامی دگنیا ءُُ چہ ایشی ءَ دریں زالبول آنی ھک آنی دیمروءَی ءِ ھاترا مءَے جزم ءِ درشان اِنت۔ ناءَب مزن وزیر ءُ دری کارانی وزیر سینیٹر محند اسحاق ڈار ءَ گوشت کہ پاکستان ءَ صنفی حساسیں کانود سازی، نگرانی ءُ احتساب ءِ دیمروءَی ءِ واستہ یک سرجمیں فریم ورک ءِ جوڑ کتگ۔ زالبول سیاسی ادارہ، انتظامیہ، عدلیہ، سول سروس، مسلح افواج، غیر سرکاری تنظیم ءُ سرکاری ءُ نجی کارپوریٹ شعبہ آں گیش ءَ چہ گیش رہشونی ءِ کرد ءَ پیلو کنگ ءَ انت۔ آ سفارتکاری ءُُ میاں اوستمانی گلانی تہا پاکستان ءِ نماءَندگی ءَ ہم برجم کنگ ءَ انت۔ اے کوشستاں چہ مھکمیں قانونی رکھینگ، چاگردی رکھینگ ءِ پروگرام، مالی شمولیت ءِ گامگیج، ءُ زالبولیں کاروباری مردمانی واستہ جتا جتاءَیں منصوبہ آں چہ کمک کنگ بیت۔ ما زالبول ءُ جنک آنی ھک آنی واستہ وتی توار ءَ چست کن ایں ھاسیں رنگ ءَ مءَے کشمیری بانُکاں کہ آ ھندی ناجاءَزیں قبضہ ءِ جموں ءُ کشمیر ءَ دہاءَیاں چہ قبضہ ءُ انسانی ھکانی زبردستیں لگتمالی ءِ آماچ اَنت۔ ما گوں فلسطین ءِ مات ءُ جنکاں ھم یکوءَی ءِ درشان کنیں کہ آ قبضہ گیریں زوراکی ءِ برجاھیں زوراکی ءِ آسر ءَ ناگشگیں زوراکی ءُ محرومی ءِ آماچ اَنت۔ اے جنین ءُ جنکانی جہد مارا یات دنت کہ جنینانی حقانی رکھینگ ءِ ھاترا انزوا ءِ تہا بوت نہ کنت۔