اسلام آباد۔8مارچ (اے پی پی): مزن وزیر محمد شہباز شریف ءَ زالبولانی میاں اوستمانی روچ ءِ درگت ءَ پاکستان ءِ زالبول آناں شگر ءُُ منت پیش کنان ءَ گوشت کہ مءَے مات، جنک، گھار ءُُ زالبول ملک ءِ دیمروءَی ءِ تہ ءَ ھاسیں کرد پیلو کنگ ءَ اَنت۔ مرچی ما زالبولانی ھما زور، دلیری، رھشونی ءُ ارزشت داریں ھزمتانی ستا ءَ کنیں کہ آ پہ وتی ھاندان، چاگرد ءُ …
مءَے مات، جنک، گہار ءُ زالبول ملک ءِ دیمروءَی ءِ تہا ھاسیں کرد پیلو کنگ ءَ انت، زالبولانی مھکمی، دلیری، رھشونی ءُ ارزشتی ایں ھزمتانی ستا ءَ کن انت، مزن وزیر شہباز شریف
اسلام آباد۔8مارچ (اے پی پی): مزن وزیر محمد شہباز شریف ءَ زالبولانی میاں اوستمانی روچ ءِ درگت ءَ پاکستان ءِ زالبول آناں شگر ءُُ منت پیش کنان ءَ گوشت کہ مءَے مات، جنک، گھار ءُُ زالبول ملک ءِ دیمروءَی ءِ تہ ءَ ھاسیں کرد پیلو کنگ ءَ اَنت۔ مرچی ما زالبولانی ھما زور، دلیری، رھشونی ءُ ارزشت داریں ھزمتانی ستا ءَ کنیں کہ آ پہ وتی ھاندان، چاگرد ءُ ملک ءَ کنگ ءَ اَنت۔ یک شمبے ءِ روچ ءَ سوشل نیٹ ورک ویب ساءَٹ ایکس ءِ سر ءَ وتی کلوہ ءِ تہ ءَ مزن وزیر ءَ گوشت کہ وانگ ءُُ زانگ، جان سلامتی، سرکاری ھزمت، کاروبار، ساءَنس، آرٹس ءُُ اسپورٹس ءَ ھوار ھمک شوبگ ءَ پاکستانی زالبول آنی محنت ءُُ جزم ملکی دیمروءَی ءِ واستہ فخر ءِ وسیلگ انت۔ ایشانی کامیابی سرجمیں راج ءِ واستہ الہام ءِ وسیلہ انت ءُُ یک مھکم ءُُ وشھالیں پاکستان ءِ جوڑیشت ءِ عزم ءَ را گیش مھکم کن انت۔ مزن وزیر ءَ گوشت کہ زالبول آناں توان دیءَگ حکومت ءِ وژن ءِ مرکزی بھر اِنت۔ حکومت زالبول آنی واستہ موہ آناں گیش کنگ، وانگ ءُُ زانگ ءُُ اقتصادی کار آنی تہ ءَ یک وڑیں رساءَی ءِ واستہ جزم اِنت ءُُ یک انچیں توانمندیں چاگرد ءِ پجارینگ ءِ واستہ جزم اِنت کہ ایشی ءِ تہ ءَ ھر زالبول وتی سرجمیں توان ءَ گوں ملک ءِ آیوکیں وھد ءِ جوڑ کنگ ءِ تہ ءَ جوانیں کرد پیلو بہ کنت۔
