مقبوضہ کشمیر ءُ فلسطین ءِ بہادریں زالبولاں ہمت ءُ جزم ءِ مثال داتگ، کشمیری مات ءُ گہار ءُ جنکاں ظلم ءِ تہاری ءَ ہم ہمت ءُ امیت ءِ شمع روشن داشتگ، مشال ملک

سلام آباد۔8مارچ  (اے پی پی):  حریت ءِ راہشون یاسین ملک ءِ زالبول مشال ملک ءَ گشتگ کہ من مقبوضہ کشمیر ءُ فلسطین ءِ بہادریں زالبولاں سلام پیش کناں کہ آہاں ہمت ءُ جزم ءِ مثال پیش داشتگ، کشمیری مات، گہار ءُ جنکاں زلم ءُ زوراکی ءِ تہاری ءَ ہم ہمت ءُ امیت ءِ شمع روک داشتگ۔ زالبولانی میاں اوستمانی روچ ءِ درگت ءَ وتی کلوہ ءِ تہ ءَ آئی ءَ گوشت کہ زالبول آنی میاں اوستمانی روچ ءَ سرجمیں دگنیا ءِ زالبول آناں شگر ءُُ منت پیش کن آں ۔ مشال ملک ءَ گوشت کہ کشمیری زالبولاں وتی چک، برات ءُ مرد ءِ قربان کنگ ءَ ھم آجوئی ءِ تحریک نزور نہ داتگ۔ کشمیری زالبول نہ ایوک ءَ وتی گس ءِ پاسپان انت بلکیں کشمیر ءِ آجوئی ءِ تحریک ءِ مھکمیں توار انت۔ مشال ملک ءَ گوشت کہ دگنیا ءَ اے گپ ءِ پسو دیگی اِنت کہ داں کدی کشمیری زالبول زناکاری ءِ سلاہ، جنگ ءُ نفسیاتی زور ءِ آماچ بنت، ھرچی ءَ پد دگنیا داں کدی بے تواریں تماشائی ءِ بستار ءَ مانیت؟ کشمیری زالبول انصاف ءِ ودار ءَ انت۔