سیدال خان ناصر ءَ جھان ءِ امن ءُ چیلنج آنی گیواری ءِ واستہ راجی یکوئی المی اِنت

اسلام آباد۔8مارچ  (اے پی پی):  سینیٹ ءِ ڈپٹی چیئرمین سیدال خان ناصر ءَ گوشت کہ استیں جھان ءِ جاور ھال آنی تہ ءَ یکے دومی ءِ سر ءَ تپاکی ءُُ یکجائی حکمت عملی ءِ زورگ لوٹ ایت تانکہ جھان ءِ امن ءُُ ایمنی ءُُ دیم ءَ اتکگیں چیلنج آناں جوانیں رنگ ءَ گیش ءُُ گیوار کنگ بہ بیت۔ اے پاکستان ءِ توامیں سیاسی گل، ریاستی ادارگ ءُُ الس ءِ واستہ سک باز المی انت کہ آ خطہ ءَ امن ءُُ ایمنی ءِ برجائی ءِ واستہ یک توار ءَ گوں دیم ءَ بہ رو انت ءُُ جہانی تک ءَ جوانیں کرد پیلو بہ کن انت۔ اے ھیالانی درشانی آئی ءَ پیسریگیں سینیٹر وقار احمد خان ءِ نیمگ ءَ برجم داشتگیں افطار ءِ نان ءِ تہ ءَ گشتانک دیان ءَ کت۔ ڈپٹی چیئرمین سینیٹ ءَ گوشت کہ دگنیا ءِ دیم ءَ اوشتاتگیں چیلنج آنی درگت ءَ ھاسیں رنگ ءَ استیں جھان ءِ جاور ھال آنی رد ءَ پاکستان ءِ سیاسی ءُُ فوجی سروکی یکیں پاک ءِ سر ءَ انت ءُُ ملک ءَ امن ءُُ ایمنی ءِ دیمروئی ءِ واستہ نہ ایوک ءَ تہی تک ءَ بلکینگ ءَ سفارتی محاذ ءَ ھم زبردستیں گامگیج کنگ بوھگ ءَ انت۔ آئی ءَ گوشت کہ پاکستان مدام جھان ءِ امن، دمگی برجائی ءُُ وت مہ وتی شرپ ءُُ شرپ ءِ بنیات ءَ سیادی آنی دیمروئی ءِ منوگر بوتگ ءُُ استیں حکومت ھم ھمے وژن ءِ چیر دستی ءَ دگنیا ءِ گوما جوانیں ءُُ جوڑیشت ءِ سفارتکاری ءَ را دیمروئی دیگ ءَ انت۔ سیدال خان ناصر ءَ گوشت کہ ملک ءِ دیمروئی ءُُ وشھالی ءِ واستہ راجی یکوئی ءُُ سیاسی یکوئی ناگزیر جوڑ بوتگ انت۔ آئی ءَ گوشت کہ سیاسی ءُُ فوجی سروکی ملک ءِ جیڈھ آنی گیواری، راجی ایمنی ءُُ الس ءِ وشھالی ءِ رکھینگ ءِ واستہ سرجمیں ھمگرنچی ءِ گوما عملی گامگیج کنگ ءَ انت۔ آئی ءَ گوشت کہ پاک سلاہ بندیں اُرد ملک ءِ دفاع ءُ ایمنی ءَ را دل یکیمی کنگ ءِ واستہ دائم ءَ ساڑی انت ءُ پیشہ وارانہ ہنر آنی گوما وتی زمہ واری ءَ پیلو کنگ ءَ انت۔ آئی ءَ آرمی چیف جنرل سید عاصم منیر ءِ سروکی ءُ حکمت عملی ساڑاتگ ءُ گوشت کہ آئی ءِ سروکی ءَ پاک سلاہ بندیں اُرد ءَ پیشہ وارانہ ھنر ءُ راجی جذبہ ءِ وسیلگ ءَ جھان ءِ تک ءَ پاکستان ءِ شرپ بُرز کتگ ۔ اے موہ ءِ سر ءَ ملک ءِ دیمروئی، وشھالی، برجائی ءُ راجی یکوئی ءِ واستہ ھاسیں دعا ھم کنگ بوت۔ مراگش ءِ تہ سر بوھگ ءِ وھد ءَ میزبان پیسریگیں سینیٹر وقار احمد خان ءَ سینیٹ ءِ ڈپٹی چیئرمین سیدال خان ناصر ءَ را وش اتک کت۔ آئی ءَ ایوان بالا ءَ ڈپٹی چیئرمین سینیٹ ءِ ازمت آناں ساڑات، آئی ءِ سروکی ءَ را خراج تحسین پیش کت ءُُ آئی ءِ واستہ نیکیں واھشت آنی درشان کت۔ افطار ءِ شپ ءِ ورگ ءَ گورنر پنجاب سردار سلیم حیدر خان، پیسریگیں چیئرمین سینیٹ نیار حسین بخاری، سینیٹر عبدالقادر، سینیٹر محمد طلحہ محمود، پیسریگیں سینیٹر مشاہد حسین سید، پیسریگیں ڈپٹی اسپیکر قومی اسمبلی ءِ سینیٹر جبادر چابسی مرتضہ ءَ بہر زرتگ ات۔ پیسریگیں سینیٹر فدا محمد ءَ گوں مزنیں کساسے ءَ سینیٹر، راجی ءُ صوبائی اسمبلی ءِ باسک، پیسریگیں پارلیمنٹ ءِ باسک، جتا جتائیں ملکانی سفیر، اھوالکار، چیمبر آف کامرس ءِ نمائندگ، تاجر ءُ سرمایہ کار ءِ ھوار بوتگ۔ مراگش ءِ تہ بھر زوروکاں ملک ءِ برجائی، دیمروئی ءُ راج ءِ وشھالی ءِ واستہ حکومتی ءُ ریاستی ادارگ آنی کوشست آناں ساڑاتگ ءُ راجی یکوئی ءُ وت مہ وتی ھمگرنچی ءَ را المی گوشتگ۔