زالبول آنی میاں اوستمانی روچ یک ھاسیں روچے کہ مارا زالبول ءُ جنک آنی ھک ءُ آوانی دیمروئی ءِ واستہ مئے ذمہ واری ءِ یات ءَ دنت ، ،وفاقی وزیر  شزا فاطمہ خواجہ

اسلام آباد۔8مارچ  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شازہ فاطمہ خواجہ ءَ گوشت کہ زالبول آنی میاں اوستمانی روچ یک ھاسیں روچے کہ مارا زالبول ءُ جنک آنی ھک ءُ آوانی دیمروئی ءِ واستہ مئے ذمہ واری ءِ یات ءَ دنت تانکہ زالبول ءُ جنک آناں زند ءِ ھرچ پڑ ءَ وانگ ءُ زانگ، دیمروئی ءُ رہشونی کنگ ءِ یک وڑیں موہ رس ایت۔ زالبولانی میاں اوستمانی روچ ءِ موہ ءَ وتی پیغام ءِ تہ ءَ آئی ءَ گوشت کہ اے سال ءِ بنگپ ”حق، انصاف، کارروائی: پہ درستیں زالبول ءُُ جنک آنی واستہ“ اے گپ ءِ نیمگ ءَ دلگوش گور کنگ بیت کہ مارا ایوک ءَ گپ ءُُ تران ءِ بدل ءَ عملی گامگیج زورگ لوٹ ایت۔ مرچیگیں ڈیجیٹل دور ءَ ٹیکنالوجی ءِ رسائی، ڈیجیٹل وانگ ءُ زانگ ءُ زالبول ءُ جنک آنی واستہ ایمنیں آن لائن چاگرد سک باز المی انت دانکہ آ وانگ ءُ زانگ، معیشت ءُ چاگردی زند ءَ سرجمی ءَ بھر زورگ بہ کن انت۔ آئی ءَ گوشت کہ پاکستان ءَ زالبول ٹیکنالوجی، کاروبار ءُُ ڈیجیٹل انوویشن ءِ شوبگ ءَ جوانیں کارکردگی ءِ درشان کنگ ءَ اَنت۔ ایشانی ٹیلنٹ، محنت ءُُ سروکی پاکستان ءِ ڈیجیٹل آیوکیں وھد ءَ را مھکم کنگ ءَ ھاسیں کرد پیلو کنگ ءَ انت۔ آئی ءَ گوشت کہ انفارمیشن ٹیکنالوجی ءُُ ٹیلی کمیونیکیشن ءِ وفاقی وزیر ءِ بستار ءَ من وتی عزم ءِ یک رندے پدر کن آں کہ ما زالبول ءُُ جنک آنی واستہ ڈیجیٹل موہ آناں گیش کنگ ءَ ایں، ٹیکنالوجی ءِ شوبگ ءَ زالبول آنی بھر زوری ءَ را گیش کنگ ءَ آں ءُُ آن لائن چاگرد ءَ را گیش ایمن جوڑ کنگ ءِ واستہ گامگیج چست کن ایں ۔ وفاقی وزیر ءَ گوشت کہ ڈیجیٹل مہارت آنی تہ ءَ تربیت، زالبول آنی سروکی ءَ جدت ءِ دلبڈی دیگ ءُُ آن لائن آزار ءُُ اذیت ءِ ھلاپ ءَ جوانیں رکھینگ ءِ وسیلگ ءَ ما یک انچیں ڈیجیٹل سسٹم جوڑ کنگ لوٹ ایں کہ ایشی ءِ تہ ءَ زالبول ءُُ جنک دلجمی ءَ گوں وانگ ءُُ زانگ، کار کنگ ءُُ دیمروئی کت کن اَنت۔ آئی ءَ گوشت کہ اے زالبول آنی میاں اوستمانی روچ ءِ سر ءَ ما ٹیکنالوجی ءُُ نوآبادیاتی ءِ وسیلگ ءَ زالبول ءُُ جنک آناں بااختیار جوڑ کنگ ءِ وعدہ بہ کن ایں ءُُ یکجائی ءَ پاکستان ءِ واستہ ایمن تر، منصفانہ ءُُ جوانیں ڈیجیٹل آیوکیں وھد ءِ جوڑ کنگ ءِ وعدہ بہ کن ایں ۔