مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ ایس ایم ایز ءَ را مھکم کنگ ءِ گامگیج آنی سر ءَ چار ءُ تپاسی دیوان ءِ سروکی کت

اسلام آباد۔ 8مارچ (اے پی پی): مزن وزیر ءِ صنعت ءُ پیداوار ءِ ھاسیں کمکار ہارون اختر خان ءِ سروکی ءَ مزن وزیر ءِ صنعت ءُ پیداوار ءِ ھاسیں کمکار ہارون اختر خان ءِ سروکی ءَ مزن تک ءِ دیوان برجم دارگ بوت ایشی ءِ تہ ءَ پاکستان ءَ کسان ءُ میاں اوستمانی کاروبار ءِ شوبگ ءَ را مھکم کنگ ءِ گامگیج آنی سر ءَ چار ءُ تپاسی کنگ بوت۔ گند ءُُ نند ءِ ساھت ءَ سمیڈا بورڈ ءِ باسک مشھود علی خان ءَ ایس ایم ایز ءِ کمک ءُُ راجی معیشت ءِ تہ ءَ وتی کرد ءَ را گیش موثر جوڑ کنگ ءِ واستہ چست کنگ بوھوکیں نوکیں گامگیج آنی بابت ءَ شریکیں مردم آناں سرپد کت۔ ہارون اختر خان ءَ دیوان ءَ را سرپد کت کہ 200 ءَ چہ گیش ایس ایم ای کلسٹر آنی رجسٹریشن ءِ واستہ آن لائن پلیٹ فارم جوڑ کنگ بوتگ، ایشی ءِ وسیلگ ءَ جتا جتائیں کاروباری کلسٹر یکیں ڈیجیٹل پلیٹ فارم ءِ تہ ءَ آرگ بوتگ اَنت۔ اے پلیٹ فارم ءِ سر ءَ شہد ءِ پیداوار ءِ یونٹاں بگر داں زیتون ءِ تیل ءِ پروسیسراں جتا جتائیں کلسٹر یکیں ویب سائٹ ءِ سر ءَ دستیاب بنت۔ آئی ءَ گوشت کہ مزن وزیر شہباز شریف ءِ وژن ءِ رد ءَ کلسٹر آنی رجسٹریشن ءَ چہ ایس ایم ایز ءَ را راجی ءُُ میاں اوستمانی مارکیٹ آناں گہتریں رسائی رس ایت۔ ھاسیں کمکار ءَ گیش گوشت کہ اسمیڈا اے کلسٹر آناں ویلیو ایڈیشن، برانڈنگ ءُُ ایکسپورٹ پروموشن ءِ ھوالگ ءَ تربیت دنت تانکہ آ جھان ءِ مارکیٹ آنی تہ ءَ جوانیں رنگ ءَ مقابلہ کت کن اَنت۔ ہارون اختر خان ءَ اے گپ ءِ سر ءَ زور پر دات کہ ایس ایم ای ءِ شوبگ پاکستان ءِ معیشت ءِ ریڑھ ءِ ھڈ اِنت ءُُ روزگار ءِ پیداک کنگ ءُُ صنعتی دیمروئی ءِ تہ ءَ مزنیں کردے پیلو کنت۔ آئی ءَ گوشت کہ ایس ایم ای کلسٹرز ءِ ڈیجیٹلائزیشن ءَ چہ کاروباری موہ آنی تہ ءَ مزنیں کساسے ءَ گیشی بیت، کاروباری ادارگ آنی نیام ءَ رابطہ کاری ءَ را گہتر کنگ بیت ءُُ مارکیٹ ءَ وتی ھست بوھگ ءَ را گیش مھکم کنگ بیت۔ آئی ءَ یک رندے پدا گوشت کہ حکومت کسان ءُُ میاں اوستمانی ادارگ آناں جھان ءِ مارکیٹ آنی گوما یکجا کنگ ءُُ کلسٹر ءِ سر ءَ بنیات ءِ وسیلگ ءَ برآمد آناں دیمروئی دیگ ءِ واستہ جزم اِنت، ایشی ءَ چہ بنجاہی صنعت ءَ را مھکم کنگ ءُُ پاکستان ءِ برآمد ءِ گنجائش ءَ را گیش کنگ ءَ کمک رسیت۔