خیبر پختونخوا ءَ سیکورٹی فورسز ءَ 5 جتا جتائیں آپریشن ءِ تہ ءَ ھندی پراکسی فتنہ الخریج ءِ 13 ناشرکار کش اِتگ اَنت۔ آئی ایس پی آر

راولپنڈی۔8مارچ  (اے پی پی):  خیبر پختونخوا ءَ 5 جتا جتائیں آپریشن ءِ تہ ءَ سیکورٹی فورسز ءَ بھارتی پراکسی فتنہ الخریج ءِ گوں سیادی داروکیں 13خوارج ناشرکار کشتگ اَنت۔ انٹر سروسز پبلک ریلیشنز ءِ نیمگ ءَ چہ جاڑی بوتگیں پریس ریلیز ءَ گوشت کہ ضلع باجور ءَ انٹیلی جنس ءِ بنیات ءَ آپریشن ءِ وھد ءَ فورسز ءَ خوارج ءِ پناہ گاہ ءَ را موثر رنگ ءَ نشانگ جوڑ کتگ ءُُ شدیدیں تیر گواری ءَ پد 5 خوارج ناشرکار کش اتگ انت۔ ایشی ءَ ابید ضلع بنو ءُ ڈیرہ اسماعیل خان ءَ دگہ دو آپریشن ءَ ھندی پراکسی فتنہ الخریج ءَ گوں سیادی داروکیں سئے خوارج ناشرکار سوبمندیں رنگے ءَ کشگ بوتگ اَنت۔ ھمے رنگ ءَ مئے اُرداں خیبر ءُ جنوبی وزیرستان ءِ ضلع ءَ دو جتا جتائیں آپریشن ءِ وھد ءَ 5 دگہ خوارج ناشرکار موثر رنگ ءَ نشانگ جوڑ کتگ اَنت۔ چہ کشگ بوتگیں ھندی نیم فوجی سروک ءَ سلاہ ءُ گولہ بارود ھم برآمد کنگ بوتگ کہ آ دمگ ءَ بازیں ناشرکاری کارروائیانی تہ ءَ سرگرم بوتگ۔ آئی ایس پی آر ءِ رد ءَ اے آپریشن ھما وھد ءَ کنگ بوھگ ءَ اَنت کہ پاکستان وتی اوگان سیم سر ءَ پیداکیں چیلنج آنی دیم ءَ دارگ ءَ اِنت۔ پاکستان ءِ سیکورٹی فورسز ملک ءِ سیمسر آنی رکھینگ ءِ ھاترا وتی جزم ءِ تہ ءَ مھکم ءُُ بے رھبند اَنت۔ آئی ایس پی آر ءِ رد ءَ دمگ ءَ ھستیں ھرچ ھندی نیم فوجی سروک ءِ ھلاس کنگ ءِ ھاترا کلیئرنس آپریشن برجاہ اِنت۔ آئی ایس پی آر ءَ گشتگ کہ انسداد ناشرکاری ءِ بے لگامیں مہم ‘عزم استحکام‘ ءِ وژن ءِ چیر دستی ءَ سرجمیں رفتار ءَ برجاہ بیت کہ فیڈرل اپیکس کمیٹی فار نیشنل ایکشن پلان (نیپ) ءِ نیمگ ءَ منظور کنگ بوتگ تانکہ ملک ءَ چہ درملکی سرپرستی ءُُ حمایت کتگیں ناشرکاری ءِ ھترہ ءَ را سرجمی ءَ ھلاس کنگ بہ بیت۔