زالبولاں وانگ ءُ زانگ ءِ وسیلگ ءَ بااختیار کنگ دیمروئی پسند، ھواریں ءُ وشھالیں پاکستان ءِ جوڑ کنگ ءِ ھاترا المی انت، وزیر مملکت واجہہ قمر

اسلام آباد۔8مارچ  (اے پی پی):  وفاقی وانگ ءُ زانگ ءُ پیشہ وارانہ تربیت ءِ وزیر ءِ مملکت واجہہ قمر ءَ گوشت کہ وانگ ءُ زانگ ءِ وسیلگ ءَ زالبول آناں توانمند کنگ دیمروئی پسند، ھواریں ءُ وشھالیں پاکستان ءِ جوڑ کنگ ءِ واستہ المی اِنت۔ یک شمبے ءِ روچ ءَ زالبول آنی میاں اوستمانی روچ ءِ موہ ءَ وتی پیغام ءِ تہ ءَ آئی ءَ زند ءِ ھمک پڑ ءَ ھاسیں رنگ ءَ وانگ ءُُ زانگ، سائنس، سروکی ءُُ چاگردی دیمروئی ءِ تہ ءَ زالبول آنی جرات، مھکم ءُُ سوبمندی آناں یات کت۔ آئی ءَ گوشت کہ ملک ءِ آیوکیں باندات ءِ جوڑ کنگ ءُُ چاگرد ءِ مھکمیں بنیات آنی ایر کنگ ءَ زالبول آنی ھاسیں کرد انت۔ آئی ءَ گوشت کہ وھدے زالبول آناں جوانیں وانگ ءُُ زانگ ءُُ یک وڑیں موہ دیگ بنت گڈا آ بدلی ءُُ دیمروئی ءِ زوراکیں ڈرائیور جوڑ بنت۔ واجہہ قمر ءَ اے عزم ءِ پدا زور دات کہ حکومت سرجمیں ملک ءَ جنک آنی واستہ معیاری وانگ ءُُ زانگ ءِ یک وڑیں رسائی ءَ را دل یکیمی کنگ ءِ واستہ جزم انت۔ آئی ءَ گوشت کہ جنک آنی وانگ ءُُ زانگ ءِ تہ ءَ سرمایہ کاری برجمیں دیمروئی ءُُ چاگردی دیمروئی ءِ ھاترا کلید اِنت۔ آئی ءَ گوشت کہ جنک آناں وانگ ءُُ زانگ ءِ واستہ ایمن، ھواریں ءُُ سازگاریں چاگرد ءِ پھجارینگ وفاقی وانگ ءُُ زانگ ءُُ پیشہ وارانہ تربیت ءِ وزارت ءِ اولی ترجی آنی تہ ءَ یک اِنت۔ وزیر مملکت ءَ والدین، استاد ءُُ کمیونٹی ءَ ھوار درستیں سٹیک ہولڈر آنی سر ءَ زور پر دات کہ آ جنکیں زھگ آنی وانگ ءُُ زانگ ءِ تہ ءَ رکاوٹ آنی ھلاسی ءُُ ھر پڑ ءَ صنفی برابری ءِ دیمروئی ءِ واستہ یکجائی کوشست بہ کن اَنت۔ آئی ءَ گوشت کہ زالبول آنی میاں اوستمانی روچ ءِ موہ ءَ زالبول آناں بااختیار جوڑ کنگ ءُُ ھر جنک ءَ را وانگ ءُُ زانگ، رھشونی ءُُ سوبمند بوھگ ءِ واستہ یک وڑیں موہ دیگ ءِ واستہ وتی اجتماعی جزم ءَ را نوک بہ کن ایں ۔