زالبول چاگرد ءِ جوڑ کنگ، ھاندان ءِ دیمروئی ءُ راجی دیمروئی ءِ تہ ءَ بنیاتی کرد پیلو کن اَنت، وفاقی وزیر ڈاکٹر طارق فضل چوہدری

اسلام آباد۔8مارچ  (اے پی پی):  پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ چاگرد ءِ جوڑ کنگ، ھاندان ءِ مدت ءُُ راجی دیمروئی ءِ تہ ءَ زالبول آنی بنیاتی کرد انت۔ پاکستانی زالبولاں وانگ ءُ زانگ، جان سلامتی، سیاست، معیشت ءُ چاگردی ازمتاں ہوار ہر شوبگ ءَ وتی صلاحیت سہرا کتگ۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ وفاقی وزیر ءَ گوشت کہ ما مرچی سرجمیں دگنیا ءِ زالبول آنی میاں اوستمانی روچ ءِ درگت ءَ زالبول آناں کوشست، دلیری ءُُ کامیابی آنی پد ءَ شرپ ءُُ شان ءَ پیش کن آں ۔ آئی ءَ گوشت کہ زالبول چاگرد ءِ جوڑ کنگ، ھاندان ءِ پھازگ ءُُ راجی دیمروئی ءِ تہ بنیاتی کرد ءَ پیلو کنت۔ پاکستانی زالبولاں وانگ ءُ زانگ، جان سلامتی، سیاست، معیشت ءُ چاگردی ازمتاں ہوار ہر شوبگ ءَ وتی صلاحیت سہرا کتگ۔ ایشانی محنت، جزم ءُ قربانی مئے چاگرد ءَ محکم کنت۔ وفاقی وزیر ءَ گوشت کہ اے روچ ءَ بیا اِت ما عہد بہ کن ایں کہ ما یکجائی ءَ زالبول آنی ھک، عزت ءُُ برابری ءَ را دیم ءَ برگ ءِ واستہ کار کن آں ءُُ یک انچیں چاگرد ءِ جوڑ کن ایں کہ ایشی ءِ تہ ءَ ھمک زالبول ایمن، بااختیار ءُُ شرپداریں زند گوازینت کنت۔