صدر آصف علی زرداری ءَ امارات ءَ میزائل ءِ ٹکر ءَ دو پاکستانی شہری ءِ بیرانی ءِ سر ءَ دلپدردی درشان کتگ

اسلام آباد۔8مارچ  (اے پی پی): صدر ءِ مملکت آصف علی زرداری ءَ متحدہ عرب امارات ءَ میزائل ءِ ٹکر ءِ تہ ءَ دو پاکستانی شہری آنی بیرانی ءِ سر ءَ سک باز دلپدردی درشان کتگ ءُ گوشت کہ میاں اوستمانی تک ءَ کش ءُ چیل جھان ءِ امن ءُ ایمنی ءِ واستہ ھترہ اِنت، میاں اوستمانی براتی ءَ زوت گامگیج چست کنگ لوٹ ایت۔ یک شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ بیران بوتگیں پاکستانی شہری آنی کھول آنی گوما دلپدردی ءِ درشانی کتگ ءُُ بیران بوتگیں مردم ءِ معافی ءُُ برز کنگ ءِ دعا کتگ۔ صدر ئِ مملکت ئَ گوشت کہ خطہ ئِ تہ ئَ برجاھیں تناؤ ئِ سبب ئَ دگہ ملک ئَ را وتی لپٹ ئَ زورگ بوت کنت۔ آئی ءَ گوشت کہ جیڈھ آنی گیواری سفارتکاری ءُُ رواداری ءِ تہ ءَ انت۔ صدر آصف علی زرداری ءَ گوشت کہ پاکستان دمگ ءَ امن، برداشت ءُ میاں اوستمانی کانود ءِ احترام ءِ حمایت ءَ کنت ۔