زالبولانی حقانی رکھینگ برجمیں دیمروئی ءُ وشحالی ءِ ضمانت اِنت، مزن وزیر شہباز شریف ءِ زالبولانی میاں اوستمانی روچ ءِ سر ءَ 8 مارچ 2026 ءِ پیغام

لاہور۔8مارچ  (اے پی پی):مزن وزیر شہباز شریف ءَ زالبول آناں وتی توانائی ءَ را کارمرد کنگ ءِ موہ دیگ ءِ حکومت ءِ مھکمیں جزم ءِ درشان کنان ءَ گوشت کہ زالبول آنی ھک آنی رکھینگ برجمیں دیمروئی ءُ وشھالی ءِ ضمانت اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ زالبول آنی میاں اوستمانی روچ ءِ موہ ءَ وتی کلوہ ءِ تہ ءَ پاکستان ءُ سرجمیں دگنیا ءِ زالبول آناں شرپ ءُ شان ءِ درشانی کت ءُ گوشت کہ اے روچ ءَ زالبول ھاسیں رنگ ءَ پاکستانی زالبول، مات ءُ پت آنی ھوالگ ءَ وتی نیک راھی ءِ درشان ءَ کناں۔ مزن وزیر ءَ گوشت کہ اے سال ءِ زالبول آنی میاں اوستمانی روچ ’’حق، انصاف ءُ عمل: توامیں زالبول ءُ جنک آنی واستہ‘‘ ءِ بنگپ ءِ چیر دستی ءَ برجم دارگ بوھگ ءَ انت۔ اے بنگپ زالبولانی حقانی رکھینگ ءِ عزم ءِ درشان اِنت۔ آئی ءَ زالبول آنی ھک آنی رکھینگ ءَ را ملک ءِ برجمیں دیمروئی ءُ راجی وشھالی ءِ ضمانت لیک اِتگ ءُ گوشت کہ راج ءِ سرجمیں دیمروئی ءُ وشھالی ایوک ءَ زالبول آنی واستہ یک وڑیں موہ ءُ بامردیں بھر زوری ءِ وسیلگ ءَ دل یکیمی کنگ بیت۔ آئی ءَ گوشت کہ زالبول آنی محنت، جزم ءُ دلیری ءُ زندمان ءِ ھمک پڑ ءَ آوانی ارزشتی ایں ازمت مئے واستہ یک راجی ءِ بستار ءَ شان ءُ مھکم ءِ آدینک انت۔ زالبول نہ ایوک ءَ ھاندان ءِ تہ ءَ بلکیں چاگرد ءُ راج ءِ تہ ءَ ھم مثبت قدر ءُ قیمتانی بنیاد ءَ بُن ھشت ءِ تہ ءَ کلیدی کرد پیلو کن اَنت۔ وانگ ءُ زانگ ءَ بگر داں کھیڈاں، لوگاں بگر داں سرکار ءَ پاکستانی زالبولانی استقامت ءُ سوبمندی یک مھکم ءُ وشھالیں ملکے ءِ جوڑ کنگ ءَ انقلابی کرد پیلو کنگ ءَ اَنت۔ آئی ءَ گوشت کہ مزن وزیر، اسمبلی ءِ اسپیکر، سر وزیر ءِ پڑ ءَ چہ تاں عدلیہ، کانود ءِ نفاذ ءِ ادارگ، جان سلامتی، وانگ ءُ زانگ، کاروبار ءُ سلاہ بندیں اُرد ءِ پڑ ءَ زالبول آں آیوکیں باھند آنی واستہ نوکیں راہ پچ کتگ انت۔ مزن وزیر ءَ گوشت کہ پاکستان ءِ حکومت ءِ یک انچیں چاگرد ءِ دل یکیمی کنگ ءِ سر ءَ دل یکیمی ءَ گوں جزم اِنت کہ ایشی ءِ تہ ءَ زالبول آنی تہ ءَ ھچ وڑیں امتیازی ءُ ترس ءُ بید ءَ چہ وتی سرجمیں صلاحیت ءِ احساس بوت کنت۔ مزن وزیر ءَ گوشت کہ پاکستان ءَ زالبول آنی ھک آنی کانودی رکھینگ ءِ واستہ جوانیں کانود است انت۔ اے آزار ءُ اذیت ءُ استحصال ءِ ھلاپ ءَ راجی عزم ءِ درشان اِنت۔ زالبول آنی واستہ جوانیں وانگ ءُ زانگ ءِ رسائی، مالی شمولیت، زالبولیں کاروباری مردمانی کمک، کارجاہ آنی تہ ءَ ایمنی ءُ آزار ءُ زوراکی ءِ ھلاپ ءَ موثر گامگیج حکومت ءِ اولی ترجی آنی تہ ءَ ھوار اَنت۔ آئی ءَ دعوت دات کہ بیا اِت کہ ما درست یکجاہ بہ بئیں ءُ یک انچیں چاگردے جوڑ بہ کن ایں کہ اودا ہر زالبول ءَ را دیمروئی ءِ عزت، شرپ ءُ برابریں موہ بہ بنت دانکہ پاکستان گیشتر انصاف، دیمروئی ءُ ھواریں آیوکیں وھد ءِ نیمگ ءَ دیم ءَ بہ روت۔