صدر آصف علی زرداری ءَ پاکستان آرفن کیئر فورم  ءِ چار ءُ بچار ءَ یتیم آنی شرپ ءَ صدر ءِ مزن گس ءَ دبوج ءُ  شام ءِ  دعوت

اسلام آباد۔7مارچ  (اے پی پی):صدر ءِ مملکت آصف علی زرداری ءَ پاکستان آرفن کیئر فورمءِ چار ءُ بچار ءَ یتیم آنی شرپ ءَ صدارتی ایوان ءَ دبوج ءِ شپ ءِ ورگ ءِ میزبانی کت ایشی ءِ تہ ءَ یتیمیں جنک ءُ زھگ آنی مزنیں کساس ءَ بھر زوری کت۔ اسلامی تعاون ءِ گل (OIC) ہر سال رمضان ءِ مقدسیں ماہ ءِ تہا اسلامی دنیا ءَ یتیم آنی روچ ءَ برجم دارگ ءَ انت ءُ اے موہ ءِ درگت ءَ شمبے ءِ روچ ءَ صدر ءِ محل ءَ مراگش برجم دارگ بوتگ۔ اے روچ ءِ تہ ءَ یتیم آنی دیم ءَ اتکگیں چیلنج آنی بابت ءَ سرپدی دیگ، چاگردی یکوئی ءَ را مھکم کنگ ءُ ھاسیں رنگ ءَ تنازعہ ءَ چہ آماچیں دمگ آنی تہ ءَ نزوریں زھگ آنی سرجمیں ھیالداری، وانگ ءُ زانگ ءُ رکھینگ ءِ دیمروئی ءِ سر ءَ دلگوشی دیگ بیت۔ صدر ءِ مملکت ءَ اے موہ ءِ سر ءَ تران کنان ءَ زھگ پاکستان ءِ آیوکیں باندات گوشت اَنت۔ یتیم آں گوں تران کنان ءَ آئی ءَ گوشت کہ صدر ءِ گس شمئے گس اِنت، من ءَ سک باز وشی ءِ احساس بیت وھدے شما ادا کا اِت۔ صدر ءِ مملکت ءَ زھگاں گوشت کہ ایشانی واستہ ٹیبلٹ ءِ سوگات است انت، ایش ایشانی وانگ ءِ واستہ سیت مند بیت۔ صدر ءِ مملکت ءَ گوشت کہ یتیمیں زھگ آناں کالج ءُ یونیورسٹی آنی تہ ءَ نوکیں وانگ ءِ موہ مستقل رنگ ءَ پجاری کنگ بنت ایشانی واستہ اسکالرشپ ایر کنگ بیت۔ صدر آصف علی زرداری ءَ گوشت کہ زھگ آں گوں گشتانک دیان ءَ گوشت کہ پاکستان ءِ جوڑ کنوک آنی گوں گند ءُ نند کنگ ءَ چہ وشی ءِ گپ بوتگ ءُ مدام منی دعا شمئے ھمراہ انت۔ صدر ءِ مملکت ءَ خطہ ءِ جاور آنی گہتری ءُ پاکستان ءِ امن ءِ واستہ دعا ءُ نیکیں واھشت آنی درشان کت ءُ گوشت کہ دیم ءَ ملک ءِ الس ءِ ازمت ءَ کناں۔ اے مراگش ءَ پاکستان آرفن کئیر  فورم  ءِ چیئرمین ایئر مارشل (ریٹائرڈ) فاروق حبیب ءُ اے دگہ ھاسیں مردماں ھم بہر زرتگ۔ اے موہ ءِ سر ءَ گشتانک دیان ءَ پاکستان یتیم نگہداشت فورم ءِ چیئرمین ءَ صدر ءِ مملکت ءِ گس ءَ یتیم زھگ آنی میزبانی ءُ دلبڈی ءِ سر ءَ صدر ءِ مملکت ءِ شگر ءُ منت گپت۔ آئی ءَ گوشت کہ یتیمیں زھگ آنی واب آنی پیلو کنگ ءُ آوانی باندات ءِ جوڑ کنگ مئے یکجائی زمہ واری انت۔ آئی ءَ گوشت کہ پاکستان یتیم نگہداشت فورم یک سد ھزار ءَ چہ گیش یتیم آنی سرپرستی ءَ کنگ ءَ انت۔ صدر آصف علی زرداری ءَ اے موہ ءِ سر ءَ یتیم آنی تہ ءَ ٹیبلٹ ءَ ھوار سوگات بھر ءُ بانگ کتگ۔