اقوام متحدہ ءِ ہشدار داتگ کہ میان اُستمانی جاور چہ کنٹرول ءَ در بوت کن اَنت

اقوام متحدہ ۔7مارچ  (اے پی پی):اقوام متحدہ ءِ سیکرٹری جنرل انتونیو گوتریس ءَ ھال داتگ کہ میاں اوستمانی تک ءِ انوگیں جاور ھال چہ کنٹرول ءَ در بوت کن اَنت۔ شین ہوا ءِ رد ءَ وتی یک بیانے ءِ تہ ءَ آئی ءَ گوشت کہ نوں جنگ ءِ بند کنگ ءُ سنگینیں سفارتی گپ ءُ تران ءِ بندات کنگ ءِ وھد انت۔ آئی ءَ گوشت کہ خطہ ءَ برجاھیں ناجائزیں اُرش نہ ایوک ءَ مزنیں انسانی تاوان ءِ آماچ بوھگ ءَ انت بلکینگ ءَ شہری آں سک باز تکلیف ءِ آماچ بوھگ ءَ انت۔ آئی ءَ گوشت کہ میاں اوستمانی ءُ ایشی ءَ چہ دریں دمگ آنی تہ ءَ اے کارروائی جھان ءِ معیشت ءِ واستہ ھم مزنیں ھترہ ءِ جوڑ بوت کنت ھاسیں رنگ ءَ ھما مردم آنی واستہ کہ آ پیسر ءَ چہ نزوریں معاشی جاور ھال آنی آماچ اَنت۔ اقوام متحدہ ءِ سروک ءَ اے گپ ءِ سر ءَ زور پر دات کہ استیں جاور ھال انتہائی حساس انت ءُ اگاں ترندیں گامگیج چست نہ کنگ بہ بنت گڈا ایشی ءِ آسر جھان ءِ تک ءَ چہ گیش سنگین بوت کن انت۔