مالی سال 2025-26 ءِ اولی 8ماہ آنی تہ ءَ پاکستان ءِ معیشت استحکام ءُ وشھالی ءِ نیمگ ءَ روگ ءَ اِنت۔ پاکستان ءِ معیشت مھکم ءُ مھکم جوڑ کنگ ءِ واستہ ھمک پاکستانی ءَ وتی کرد پیلو کنگی اِنت، احسن اقبال

اسلام آباد۔7مارچ  (اے پی پی):منصوبگ بندی ءِ وفاقی وزیر احسن اقبال ءَ گوشت کہ مالی سال 2025-26ءِ اولی 8ماہ آنی تہ ءَ پاکستان ءِ معیشت استحکام ءُ وشھالی ءِ نیمگ ءَ روگ ءَ اِنت۔ پاکستان ءِ معیشت ءَ را مھکم ءُ مھکم جوڑ کنگ ءِ ھاترا ھمک پاکستانی ءَ وتی کرد پیلو کنگی اِنت دانکہ ما یک راجے ءِ بستار ءَ اے جیڑھ ءُ آئی ءِ آسراں چہ درکپگ ءَ سوبین بہ بئیں۔ توانائی ءِ بحران ءَ چہ درآہگ ءِ ھاترا مارا غیر ضروری سفر ءَ چہ بچگی اِنت۔ شمبے ءِ روچ ءَ ادا ماہانہ دیمروئی رپوٹ ءِ بندات ءِ مراگش ءَ گوں گشتانک دیان ءَ آئی ءَ گوشت کہ مالی سال 2025-26ءِ اولی 8ماھ آنی تہ ءَ پاکستان ءِ معیشت استحکام ءُ وشھالی ءِ نیمگ ءَ روگ ءَ اِنت، ایشی ءَ چہ زانتکاریں ءُ یکجاھیں میکرو اکنامک پالیشی آنی اثر آناں پدر اِنت۔ الحمداللہ حکومت ءِ نیمگ ءَ بندات کتگیں اصلاحات ءِ گامگیج آنی سفر روچ پہ روچ گہتر بوھگ ءَ اِنت ءُ مئے معاشی اشاریہ یک جوانیں رجحان ءِ نشاندہی کنگ ءَ اَنت۔ احسن اقبال ءَ گوشت کہ دمگ ءَ تیل ءِ مزنیں بحران پیداک بوتگ ایشی ءَ چہ نہ ایوک ءَ دیمروئی کتگیں بلکینگ ءَ دیمروئی کنوکیں ملک آناں ھم اثر داتگ۔ آیوکیں روچاں اے گپ پدر بیت کہ لھتیں ماہ ءَ پد تیل ءِ نھاد کجام ھد ءَ گیش بیت۔ احسن اقبال ءَ گوشت کہ پاکستان ءِ معیشت ءَ را مھکم ءُ مھکم جوڑ کنگ ءِ واستہ ھمک پاکستانی ءَ وتی کرد پیلو کنگ لوٹ ایت تانکہ ما یک راجے ءِ بستار ءَ اے بحران ءُ ایشی ءِ آسراں چہ درکپت بہ کن آں ۔ قیمت ءِ استحکام ءَ را دل یکیمی کنگ ءِ ھاتر ءَ راجی قیمت ءِ نگرانی کمیٹی ءِ باقاعدہ دیوان آنی تہ ءَ المی چیز آنی مستحکم سپلائی برجائی کنگ بوتگ۔ احسن اقبال ءَ گوشت کہ جولائی ءَ چہ فروری 2025-26 ءِ تہ ءَ میان اُستمانی مہنگائی 5.5درسد بوتگ کہ گوستگیں سال ءَ 5.9درسد بوتگ، وھدیکہ فروری 2026 ءَ مہنگائی 7.0درسد ءِ تہ ءَ کمی بوتگ، انڈے ءِ نھاد ءَ 22.4درسد کمی بوتگ، پولٹری ءِ تہ ءَ 00% ءِ تہ ءَ کمی بوتگ۔ البت میاں اوستمانی تک ءِ تہ ءَ تناؤ ءُ توانائی ءِ جھان ءِ مارکیٹ ءِ جاور ھال انگت ءَ اندری افراط زر ءِ ھاترا ھترہ ءِ دروشم ءَ اَنت۔ احسن اقبال ءَ گوشت کہ جولائی ءَ چہ دسمبر 2025-26 ءِ ساھت ءَ مزنیں کچ ءُ کساس ءَ مینوفیکچرنگ ءِ صنعت ءَ پائیدار ءُ مزنیں دیمروئی ءِ تجربہ کتگ ءُ سالانہ بنیاد ءَ 4.8درسد ءِ گیشی ریکارڈ کتگ۔ شعبہ آنی تہ ءَ 14 شعبہ آنی تہ ءَ جوانیں دیمروئی گندگ بوتگ، ایشی ءِ تہ ءَ گاڑی 67.2 درسد، غیر دھاتی معدنی چیز 10.5 درسد، مشروبات 5.4 درسد، کوک ءُ پٹرولیم ءِ چیز 13.5 درسد، پوشاک 7.5 درسد، کھان 0.6 درسد،ba1ccoi وغیرہ ھوار اَنت۔ احسن اقبال ءَ گوشت کہ جولائی ءَ چہ فروری 2025-26ءِ ساھت ءَ ٹیکس ءِ جم کنگ 8.1 کھرب کلدار بوتگ کہ گوستگیں سال ءِ ھمے وھد ءِ تہ ءَ 7.3 کھرب کلدار بوتگ ایشی ءَ چہ ٹیکس ءِ رد ءَ عمل کنگ ءِ تہ ءَ گہتری، موثر انتظامی ءُ اقتصادی کار آنی تہ ءَ گیشی ءِ درشان اِنت۔ جولائی جنوری 2026 ءِ تہ ءَ زرّ ءِ دیم دیگ ءِ تہ ءَ 11.3 درسد گیشی بوتگ ءُ 20.9 ارب ڈالر ءَ چہ 23.2 ارب ڈالر ءَ سر بوتگ۔ احسن اقبال ءَ گوشت کہ اے گیشی حکومت ءِ اقتصادی پالیسی ءُ برجائی ءِ سر ءَ درملک ءَ دریں پاکستانی آنی گیش بوھوکیں دل یکم ءِ درشان انت۔ دری شعبہ ءَ جولائی-جنوری 2025-26 ءِ ساھت ءَ اقتصادی کاروائی آنی تہ ءَ گہتری گندگ بوتگ، ایشی ءِ تہ ءَ سامان ءُ ازمت آنی برآمدات 24ارب ڈالر ءَ سر بوتگ وھدیکہ درآمدات 44.4ارب ڈالر ءَ سر بوتگ۔ احسن اقبال ءَ گوشت کہ درآمد آنی تہ ءَ گیشی ءِ سبب خام مال ءُ سرمایہ کاری ءِ چیز آنی تہ ءَ گیشی ءِ لوٹ ءُ درآمد ٹیرف ریگولیشن ءِ سبب ءَ بوتگ کہ ایشی ءِ مول ءُ مراد تجارت ءَ را دیمروئی دیگ اِنت۔ رکاوٹانی کم کنگ ءُ مقابلہ ءِ توانائی ءَ را گہتر کنگ ءِ مول ءُ مراد بوتگ۔ سروسز برآمدات 4.17درسد ءِ گیشی ءَ چہ 7.7ارب ڈالر ءَ سر بوتگ، ایشی ءِ سبب دور دراجیں ڈیجیٹل سروسز، مالیاتی ءُ ٹرانسپورٹ سروسز ءِ تہ ءَ گیشی ءُ میاں اوستمانی مالیاتی ءُ انشورنس سروسز ءِ تہ ءَ گیشی بوتگ۔ احسن اقبال ءَ گوشت کہ رواں مالی سال ءِ اولی 8ماہ آنی تہ ءَ (جولائی ءَ چہ فروری ءَ) 585ارب کلدار ءِ دیمروئی منصوبگ آنی منظوری ءُ 403ارب کلدار ءِ فنڈنگ ​​ءِ منظوری دیگ بوتگ ایشی ءَ چہ دیمروئی منصوبگ آنی سر ءَ عمل کنگ ءِ تہ ءَ مھکمیں پیشرفت ءِ درشانی کنگ بیت۔ پی ایس ڈی پی ءِ چیر دستی ءَ ملک ءَ مطمئن کار برجاہ انت۔ حکومت ءِ اولی ترجی ایش انت کہ درستیں دیمروئی کاراں وھد ءِ سر ءَ سرجم کنگ بہ بیت۔ احسن اقبال ءَ گوشت کہ جولائی ءَ چہ فروری 2025-26ءِ ساھت ءَ پی ایس ڈی پی ءِ کارمردی ءِ شرح 36درسد بوتگ، ایشی ءِ تہ ءَ یک کھرب کلدار (361ارب کلدار) ءِ تخصیص بوتگ، گوستگیں سال ءَ 20درسد (312.3ارب کلدار) بوتگ، ایشی ءَ چہ دیمروئی ءِ تہ ءَ گیشی ءِ نشانی اِنت۔ احسن اقبال ءَ گوشت کہ دیمروئی ءِ شوبگ ءَ سی ڈی ڈبلیو پی ءَ پوزیشن پیپر ءَ ھوار چار منصوبگ آنی منظوری داتگ وھدیکہ پنچ منصوبگ آنی گڈی منظوری ءِ واستہ ای سی این ای سی ءَ را روان دیگ بوتگ۔ حال ءَ منظور بوتگیں منصوبگ آنی تہ ءَ جتا جتائیں شوبگ آنی تہ ءَ 18366 ءِ نزیک ءَ براہ راست ءُ 7320 بالواسطہ روزگار ءِ موہ پیداک بیت۔ احسن اقبال ءَ گوشت کہ جولائی ءَ چہ جنوری 2025-26ءِ ساھت ءَ دیمروئی منصوبگ آنی تہ ءَ ھرچ ءُ درچ ءِ بچت ءِ آسر ءَ 9ارب کلدار ءِ بچت بوتگ ایشی ءَ چہ زانتکاریں منصوبگ بندی ءُ منصوبگ آنی کارکردگی ءِ تہ ءَ گہتری ءِ درشان اِنت۔ جنوری 2026 ءَ وزارت ءَ 16 منصوبگ آنی سر ءَ نگرانی کتگ ءُ 5 منصوبگ آنی سر ءَ چار ءُ تپاسی کتگ تانکہ موثر نفاذ ءَ را دل یکیمی کنگ ءُ دیمروئی ءِ لوٹ ءُ گزر ءِ آسراتی ءِ ھاترا دیم ءَ آرگ بہ بیت۔ احسن اقبال ءَ گوشت کہ پاکستان ءُ قازقستان ءِ اسٹریٹجک پارٹنر شپ ءِ چیر دستی ءَ 5سالی روڈ میپ ءِ تیاری ءِ واستہ ورکنگ گروپ جوڑ کنگ بوتگ ءُ اولی دیوان 24فروری 2026 ءَ برجم دارگ بوتگ ایشی ءِ تہ ءَ تجارتی ءُ اقتصادی کمک ءِ کلیدی شوبگ آنی پجار کنگ بوتگ۔ فروری 2026 ءَ اسلامی دیمروئی بانک ءِ گوما مجازی دیوان برجم دارگ بوتگ کہ ایشی ءِ تہ ءَ باسکیں ملک آنی شریکداری ءِ رھبند 2026-2030 ءِ تیاری ءِ ھوالگ ءَ شور ءُ سلاھ کنگ بوتگ۔ احسن اقبال ءَ گوشت کہ 17فروری 2026 ءَ ڈھاکہ ءَ بنگلہ دیش ءِ مزن وزیر ءِ گوما گند ءُ نند بوتگ، ایشی ءِ تہ ءَ پاکستان ءُ بنگلہ دیش ءِ سیادی ءَ را مھکم کنگ ءُ دمگی کمک ءَ را گیش کنگ ءِ سر ءَ گپ ءُ تران بوتگ۔