مزن وزیر ءَ انوگیں جھان ءِ تناظر ءَ ملک ءِ اقتصادی جاور ھال آنی چار ءُ تپاسی ءِ واستہ دیوان ءِ سروکی کت، اقتصادی دیمروئی، کفایت شعاری ءُ بچت ءِ واستہ ایکشن پلان جوڑ کنگ ءِ ہدایت کت ءُ 48 کلاک ءِ تہ ءَ کارروائی ءِ لائکیں سوج پیش کت

لاہور۔7مارچ  (اے پی پی):مزن وزیر محمد شہباز شریف ءَ حکومتی کمیٹی ءَ را ہدایت کتگ کہ آ میاں اوستمانی ءُ خلیج ءِ کش ءُ چیل ءِ آسر ءَ چہ پیداکیں جھان ءِ اقتصادی دباؤ ءَ را ھیال ءَ دارگ ءَ کفایت شعاری ءُ بچت ءِ واستہ ایکشن پلان جوڑ بہ کنت ءُ 48کلاک ءِ تہ ءَ اے درگت ءَ کارروائی ءِ لائکیں سوج پیش بہ کنت۔ شمبے ءِ روچ ءَ مزن وزیر محمد شہباز شریف ءِ سروکی ءَ دیوان برجم دارگ بوت کہ ایشی ءِ تہ ءَ گوستگیں جھان ءِ تناظر ءَ ملک ءِ اقتصادی جاور ھال آنی سر ءَ چار ءُ تپاسی کنگ بوت، ایشی ءِ تہ ءَ گوستگیں جھان ءِ کش ءُ چیل آنی اقتصادی اثر آنی سر ءَ دمگ ءِ سر ءَ بریفنگ دیگ بوت۔ مزن وزیر ءَ کمیٹی ءَ را ہدایت کت کہ آ جاور ھال آنی رد ءَ اقتصادی دیمروئی، کفایت شعاری ءُ بچت ءِ واستہ ایکشن پلان جوڑ بہ کنت ءُ آیوکیں 48کلاک آنی تہ ءَ اے درگت ءَ ایکشن پلان پیش بہ کنت ءُ گوشت کہ اے وڑیں ایکشن پلان جوڑ کنگ بہ بیت کہ ایشی ءِ تہ ءَ الس آنی سر ءَ بار کم چہ کم بہ بیت ءُ السی ریلیف ءَ را اولی ترجی دیگ بہ بیت۔ گند ءُ نند ءَ داتگیں بریفنگ ءَ گوشت کہ مزن وزیر ءِ ہدایت ءِ رد ءَ گوستگیں ہفتگ ءَ یک کمیٹی یے جوڑ کنگ بوتگ ات کہ ایشی ءِ تہ ءَ گوستگیں کش ءُ چیل ءِ اقتصادی اثر آنی سر ءَ جہانی ءُ ملکی تک ءَ چار ءُ تپاسی کنگ بوتگ ات، اے کمیٹی اے درگت ءَ کارروائی ءِ منصوبگ ءِ سر ءَ کار کنگ ءَ ات، ایشی ءِ سبب ءَ ملک ءَ پٹرولیم ءِ چیز آنی کمی نہ بوتگ۔ بریفنگ ءِ رد ءَ گوستگیں روچ ءَ پٹرولیم ءِ چیز آنی نرخ ءِ تہ ءَ گیشی کمیٹی ءِ سفارش ءِ سر ءَ کنگ بوتگ، ایشی ءِ تہ ءَ جھان ءِ تہ ءَ گیشی ءِ کم چہ کم بار صارف آنی سر ءَ دیم دیگ بوتگ۔ مزن وزیر ءَ کمیٹی ءَ را ہدایت کت کہ آ گیش ءَ چہ گیش سرگرم ءُ فعال رنگ ءَ کار بہ کنت ءُ زوتاں چہ زوت الس ءِ واستہ آسان ءُ کار ءِ لائکیں سفارش پیش بہ کنت۔ آئی ءَ پرمان داتگ کہ ھرچ پٹرول پمپ یا کمپنی ءِ مصنوعی کمی پیداک کنگ یا ذخیرہ کنگ ءِ تہ ءَ ھوار گندگ بہ بیت آ زوت بند کنگ بہ بیت ءُ آئی ءِ لائسنس رد کنگ بہ بیت ءُ قانونی کارروائی کنگ بہ بیت۔ مزن وزیر ءَ وزیر خزانہ ءُ پٹرولیم ءِ وزیر ءَ را ہدایت کت کہ آ چاریں صوبہ آنی تر ءُ تاب ءَ بہ کن انت ءُ پٹرولیم مصنوعات ءِ بچت ءُ الس ءَ را ایشانی بے رکاوٹ پجاری ءِ واستہ یک منصوبہ آف ایکشن ءُ پلان ءِ جوڑ کنگ ءِ واستہ صوبائی حکومت آنی گوما کار بہ کن انت۔