اُرد ءِ دفاع ءِ سروک فیلڈ مارشل سید عاصم منیر ءَ سعودی عرب ءِ تر ءُ تاب کتگ، سعودی ءِ وزیر دفاع شہزادہ خالد بن سلمان ءَ گوں گند ءُ نند

راولپنڈی۔7مارچ  (اے پی پی):اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ سعودی عرب ءِ تر ءُ تاب کتگ ءُ سعودی عرب ءِ وزیر دفاع شہزادہ خالد بن سلمان ءَ گوں گند ءُ نند کتگ۔ آئی ایس پی آر ءِ نیمگ ءَ چہ جاڑی بوتگیں پریس ریلیز ءِ رد ءَ گند ءُ نند ءَ دوئیں نیمگ ءَ ایران ءِ ڈرون ءُ میزائل اُرش آنی سبب ءَ پیداکیں سیکورٹی جاور ھال آنی سنگینی ءُ اسٹریٹجک باہمی دفاع ءِ معاہدے ءِ تہ ءَ ایشانی گر ءُ دار ءِ واستہ یکجائی گامگیج آنی ضلورت ءِ سر ءَ گپ ءُ تران کنگ بوتگ۔ اے گپ ءِ سر ءَ زور دیگ بوت کہ بے سوبیں زوراکی دمگی ایمنی ءُ استحکام ءِ ھاترا کوشست آناں ھراب کنت ءُ جیڑھ آنی پرامن گیواری ءِ امکانات ءَ را محدود کنت۔ دوئیں نیمگ ءَ امیت ءُ واھشت سہرا کنگ بوت کہ ایران ءِ براتیں ملک عقل ءُ زانت ءِ درشان ءَ کنت تانکہ رد حساب ءُ کتاب مہ بیت ءُ جیڈھ ءِ ایمنی ءِ گوما گیواری ءِ لوٹوکیں دوستیں ملک آنی دست مھکم بہ بنت۔