اسلام آباد۔7مارچ (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوستگیں شپ ءَ دولت مشترکہ ءِ سیکرٹری جنرل شرلی بوچوی ءَ گوں ٹیلی فون ءِ سر ءَ گپ ءُ تران کتگ۔ شمبے ءِ روچ ءَ دری کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ آئی ءَ را ھال داتگ کہ برجاھیں ءُ دیمروئی کنوکیں دمگی جاور …
نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں دولت مشترکہ ءِ سیکرٹری جنرل شرلی بوچوی ءَ ٹیلی فون ءِ سر ءَ گپ ءُ تران کنان ءَ گپ ءُ تران
اسلام آباد۔7مارچ (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوستگیں شپ ءَ دولت مشترکہ ءِ سیکرٹری جنرل شرلی بوچوی ءَ گوں ٹیلی فون ءِ سر ءَ گپ ءُ تران کتگ۔ شمبے ءِ روچ ءَ دری کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ آئی ءَ را ھال داتگ کہ برجاھیں ءُ دیمروئی کنوکیں دمگی جاور ھال آنی سبب ءَ آ لندن ءَ دولت مشترکہ ءِ وزارتی ایکشن گروپ ءُ دولت مشترکہ ءِ دری کارانی وزیر آنی دیوان ءَ بھر زوری کنگ ءِ وس ءَ نہ کنت ءُ آئی ءَ لندن ءَ وتی پاکستان ءِ نمائندگی ءِ اجازت داتگ۔ نائب مزن وزیر ءَ دولت مشترکہ ءِ واستہ پاکستان ءِ کرد ءِ سر ءَ زور پر دات ءُ دولت مشترکہ ءِ روچ (9مارچ) ءِ موہ ءَ سیکرٹری جنرل ءُ سرجمیں دولت مشترکہ ءِ ھاندان ءَ را مبارکی دات۔
