صدر آصف علی زرداری ءَ دراجیں وقفہ ءَ پد نیشنل ہاکی ٹیم ءِ ہاکی ورلڈ کپ ءِ کوالیفائینگ ءِ سرا وشی ءِ درشانی

اسلام آباد۔7مارچ  (اے پی پی):صدر ءِ مملکت آصف علی زرداری ءَ راجی ہاکی ٹیم ءِ دراجیں وقفہ ءَ پد ہاکی ورلڈ کپ ءِ کوالیفائی کنگ ءِ سر ءَ وشی ءِ درشانی کتگ ءُ گوشت کہ اے سوبمندی پاکستان ءَ ہاکی ءِ زندگ بوھگ ءُ ورنائیں لیب کنوک آنی واستہ دلبڈی ءِ کلوہ اِنت۔ شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوشت کہ راجی یکوئی، نظم ءُ ضبط ءُ جان سلامتیں چاگرد ءِ دیمروئی ءِ تہ ءَ لیب ءُ گوازی ھاسیں کرد ءَ پیلو کن اَنت۔ صدر ءِ مملکت ءَ ہاکی ءُ فٹبال ءِ وڑیں راجی لیب آنی دیمروئی ءِ ضلورت ءِ سر ءَ زور پر دات ءُ گوشت کہ اے مزدور طبقہ ءُ عام مردم ءِ لیب انت ایشاں گیش دیمروئی دیگ بہ بیت۔