مزن وزیر محمد شہباز شریف ءَ جمہوریہ آذربائیجان ءِ صدر الہام علیوف ءَ را آذربائیجان ءِ براتیں الس ءِ گوما سرجمیں یکوئی ءُ کمک ءِ یقین داتگ، وھدیکہ دوئیں رہشوناں دمگ ءَ کش ءُ چیل ءِ کم کنگ ءُ امن ءِ بحالی ءِ ضلورت ءِ سر ءَ زور پر داتگ ءُ رابطہ ءِ برجاہ دارگ ءِ سر ءَ تپاک

اسلام آباد۔6مارچ  (اے پی پی): مزن وزیر محمد شہباز شریف ءَ جمہوریہ آذربائیجان ءِ صدر الہام علیوف ءَ را آذربائیجان ءِ براتیں الس ءِ گوما سرجمیں یکوئی ءُ کمک ءِ یقین داتگ، وھدیکہ دوئیں رہشوناں دمگ ءَ کش ءُ چیل ءِ کم کنگ ءُ امن ءِ بحالی ءِ ضلورت ءِ سر ءَ زور پر داتگ ءُ رابطہ ءِ برجاہ دارگ ءِ سر ءَ تپاک کتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءُ جمہوریہ آذربائیجان ءِ صدر ءِ نیام ءَ جمعہ ءِ روچ ءَ ٹیلی فون ءِ سر ءَ گپ ءُ تران بوتگ۔ گپ ءُ تران ءِ ساھت ءَ مزن وزیر ءَ گوستگیں روچ ءَ آذربائیجان ءِ نخچوان ءِ دمگ ءِ سر ءَ ڈرون اُرش آنی سر ءَ سکیں مذمت ءِ درشانی کت۔ آئی ءَ اے اُرش ءِ مذمت کنان ءَ آذربائیجان ءِ اے عزم ءِ پدا زور دات کہ پاکستان اے گرانیں وھد ءَ آذربائیجان ءِ براتیں راج ءِ گوما سرجمیں یکوئی ءُ کمک ءِ تہ ءَ اوشتاتگ۔ مزن وزیر ءَ صدر الہام علیوف ءَ را ایران ءُ خلیج ءَ برجمیں بحران ءِ ھوالگ ءَ پاکستان ءِ سفارتی کوشست آنی بابت ءَ سرپد کت۔ صدر الہام علیوف ءَ مزن وزیر ءِ ٹیلی فون رابطہ ءِ سرا شگر ءُ منت گپت ءُ اے گرانیں وھد ءَ پاکستانی الس ءِ نیمگ ءَ پیش داشتگیں یکوئی ءُ کمک ءَ را ساڑات۔ دوئیں رہشوناں دمگ ءَ امن ءِ ھلاسی ءُ بحالی ءِ ضلورت ءِ سر ءَ زور پر دات ءُ رابطہ ءِ برجاہ دارگ ءِ سر ءَ تپاک کت۔