اسلام آباد۔5مارچ (اے پی پی): جماعت اسلامی ءِ ڈل ءَ مزن وزیر محمد شہباز شریف ءَ گوں گند ءُ نند کتگ، ایشی ءِ تہ ءَ آئی ءَ اوگانستان، خلیج، میاں اوستمانی ءُ ایران ءِ جاور ھال ءُ پاکستان ءِ سفارتی کوشست ءُ گامگیج آنی سر ءَ دل یکیمی ءِ درشانی کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد …
مزن وزیر شہباز شریف ءَ گوں جماعت اسلامی ءِ ڈل ءِ گند ءُ نند ، آئی ءَ را اوگانستان، ایران ءُ میاں اوستمانی ءُ خلیج ءِ جاور ھال آنی بابت ءَ بریفنگ
اسلام آباد۔5مارچ (اے پی پی): جماعت اسلامی ءِ ڈل ءَ مزن وزیر محمد شہباز شریف ءَ گوں گند ءُ نند کتگ، ایشی ءِ تہ ءَ آئی ءَ اوگانستان، خلیج، میاں اوستمانی ءُ ایران ءِ جاور ھال ءُ پاکستان ءِ سفارتی کوشست ءُ گامگیج آنی سر ءَ دل یکیمی ءِ درشانی کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جماعت اسلامی ءِ سروک حافظ نعمی الرحمان ءِ سروکی ءَ مزن وزیر محمد شہباز شریف ءَ گوں گند ءُ نند کنوکیں ڈل ءِ تہ ءَ لیاقت بلوچ، میاں محمد اسلم اور آصف لقمان قاضی ھوار اتنت۔ جماعت اسلامی ءِ سروک ءَ را اوگانستان ، ایران ءُ میاں اوستمانی ءُ خلیج ءِ استیں جاور ھال آنی ھوالگ ءَ کیمرہ ءِ تہ ءَ بریفنگ دیگ بوت۔ ڈل ءَ پاکستان ءِ سفارتی کوشست ءُ گامگیج آنی سر ءَ دل یکیمی ءِ درشان کت۔ ایشی ءَ ابید ایران ءُ ایندگہ ملکاں پاکستانی سفارتخانہ آنی نیمگ ءَ چہ پاکستانی آناں آسراتی دیگ ءِ واستہ چست کتگیں گامگیج آنی بابت ءَ ھم سرپد کنگ بوت۔ گند ءُ نند ءَ نائب مزن وزیر ءُ درئی کارانی وزیر سینیٹرمحمد اسحاق ڈار، وفاقی وزرا اعظم نذیر تارڑ، احسن اقبال، عطاء اللہ تارڑ، رانا مبشر اقبال، مشیر وزیرِ اعظم رانا ثناء اللہ ءُ وزیرِ مملکت طلال چوہدری ھم ھوار بوتگ اَنت۔
