ایران ءَ چہ پاکستانی آناں در کنگ ءِ تہ ءَ آذربائیجان ءِ کمک ءِ منت وارآں،  خلیج ءِ ملک آنی تہ ءَ پاکستانی سفارتخانہ پاکستانی شہری آناں آسراتی ءِ واستہ ہر وھد ءَ سرگرم اَنت، مزن وزیر شہباز شریف

اسلام آباد۔5مارچ  (اے پی پی): مزن وزیر محمد شہباز شریف ءَ گوشت کہ ایران ءَ چہ پاکستانی آناں درکنگ ءِ واستہ براتیں ملک آذربائیجان ءِ کمک ءِ منت وار آں، خلیج ءِ ملک آنی تہ ءَ پاکستانی سفارت خانہ ھمک وھد ءَ پاکستانی شہری آناں آسراتی دیگ ءِ واستہ سرگرم اَنت۔ پنچ شمبے ءِ روچ ءَ مزن وزیر کارگس ءِ میڈیکل ونگ ءِ نیمگ ءَ جاڑی بوتگیں بیان ءِ رد ءَ آئی ءَ ایران ءَ چہ پاکستانی آنی درکنگ ءُ خلیج ءِ ملک آنی تہ ءَ پاکستانی شہری آناں کمک ءِ ھوالگ ءَ اے جیڈھ آنی درشانی کتگ۔ دیوان ءِ سروکی ءَ نائب  مزن وزیر ءُ  و وزیر خارجہ سینیٹر اسحاق ڈار، وفاقی وزراء اعظم نذیر تارڑ، عطاء اللہ تارڑ، مشیر وزیر اعظم رانا ثناء اللہ، وزیر مملکت طلال چوہدری، معاون خصوصی سید طارق فاطمی  ءُ سیادی داروکیں مزنیں کارندہ آنی سروکی ءَ بوت۔ گند ءُ نند ءَ ایران ءَ چہ پاکستانی درکنگ ءِ استیں جاور ھال آنی بابت ءَ سرپد کنگ بوت۔ دیوان ءَ را ھال دیگ بوت کہ اللہ تعالیٰ ءِ فضل ءُ کرم ءَ پاکستانی ایران ءَ چہ وش ءُ سلامت وتی ملک ءَ واتر بوھگ ءَ اَنت، آذربائیجان ءَ پاکستانی سفارت خانہ سرجمی ءَ کار کنگ ءَ اِنت، ءُ درئی کارانی کارگس مزن وزیر ءِ ہدایت ءِ رد ءَ سرجمیں جاور ھال آنی سر ءَ مدام نگرانی کنگ ءَ اِنت۔ گند ءُ نند ءَ خلیج ءِ ملک آنی تہ ءَ پاکستانی سفارت خانہ آنی نیمگ ءَ پاکستانی آناں آسراتی دیگ ءِ واستہ چست کتگیں گامگیج آنی ھوالگ ءَ ھم سرپد کنگ بوت۔ مزن وزیر ءَ ہدایت کت کہ پاکستانی شہری آناں آسراتی پجاری ءِ واستہ خلیج ءِ ملک آنی تہ ءَ پاکستانی سفارت خانہ ہر وھد ءَ سرجمی ءَ کار بہ کن اَنت۔