گوستگیں دو سالانی تہا پاکستان ءِ معیشت دیوالیہ بوھگ ءِ ھترہ ءَ چہ دراتکگ ءُ جھان ءِ معیشت ءِ دیمروئی ءِ ماڈل جوڑ بوتگ، وفاقی وزیر احسن اقبال

اسلام آباد۔5مارچ  (اے پی پی): منصوبہ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال  ءَ گوشت کہ گوستگیں دو سال آنی تہ ءَ پاکستان ءِ معیشت دیوالیہ کاری ءِ ھترہ ءَ چہ دراتکگ ءُ جھان ءِ اقتصادی دیمروئی ءِ ماڈل جوڑ بوتگ ءُ نوں حکومت معیشت ءَ را یک ٹریلین ڈالر ءِ سر ءَ سر کنگ ءِ ٹارگٹ ءِ سر ءَ کار کنگ ءَ اِنت کہ اے پی پی ءِ دو سال ءَ چہ گیش اِنت۔ پاکستان ءَ را سکیں اقتصادی بحران ءِ آماچ ات، بلے موثر حکومت داری ءُ اصلاحات ءِ سبب ءَ مرچی مزنیں میان استمانی مالیاتی ادارہ پاکستان ءِ اقتصادی احیاء ءَ را مثال ءِ دروشم ءَ دیم ءَ برگ ءَ انت۔ آئی ءَ گوشت کہ پاکستان گورننس فورم ءِ مول ءُ مراد ”اُدان پاکستان“ ءِ ایجنڈا ءِ چیر دستی ءَ کار ءِ لائکیں اصلاحات آنی سر ءَ وفاقی ءُ صوبائی حکومت، وزارت، محکمہ ءُ نجی شوبگ ءَ را یکجا کنگ اِنت تانکہ 2035 ءَ تاں یک کھرب ڈالر ءِ معیشت ءِ ٹارگٹ سرجم کنگ بہ بیت۔ احسن اقبال ءَ گوشت کہ حکومت روزگار، برآمد، توانائی، چاگرد ءُ ای پاکستان ءِ 5Es فریم ورک ءِ سر ءَ عمل کنگ ءِ واستہ جزم اِنت۔ اے حکمت عملی ءِ چیر دستی ءَ برآمدات ءَ را 100ارب ڈالر ءَ چہ گیش ءِ سر ءَ سر کنگ ، پاکستان ءَ را ٹیکنالوجی ءِ سر ءَ بنیات ءِ سر ءَ معیشت ءِ تہ ءَ بدل کنگ ، مصنوعی ذہانت (اے آئی) ءِ زورگ ءُ چاگردی ، توانائی ءُ چاگردی چیلنج آنی گیواری ءِ سر ءَ دلگوشی دیگ بوھگ ءَ اِنت۔ آئی ءَ اے گپ ءِ سر ءَ زور پر دات کہ دیمروئی ءِ واستہ ایوک ءَ بنیاتی ڈھانچہ کفی نہ اِنت۔ سافٹ ویئر ءِ ھست نہ بوھگ ءَ چہ شرتریں ھارڈ ویئر ھم بے مانا اِنت۔ آئی ءَ انسانی سرمایہ ءِ ارزشت ءِ سر ءَ زور پر دات ءُ گوشت کہ ھما وھد ءَ ما وتی مردم آنی وانگ ءُ زانگ، جان سلامتی ءُ مہارت آنی تہ ءَ سرمایہ کاری مہ کن ایں گڑا ماڑی ءُ سڑک کارآمد نہ بنت۔ وفاقی وزیر ءَ ہشدار داتگ کہ پاکستان ءِ دیم ءَ دو راہ انت۔ اگاں انوگیں رھبند ءَ را زورگ بہ بیت گڑا 2035 ءَ تاں معیشت گیش ءَ چہ گیش 600 ارب ڈالر ءَ سر بوت کنت بلے اگاں جامع اصلاحات ءُ راجی یکوئی ءَ را دیم ءَ برگ بہ بیت گڑا یک کھرب ڈالر ءِ ٹارگٹ سرجم کنگ بوت کنت۔ آئی ءِ گشگ ءِ رد ءَ اے دوئیں آسر آنی نیام ءَ فرق ”گورننس ءِ آرکیٹیکچر“ اِنت۔ آئی ءَ مستریں چیلنج آنی ذکر کنان ءَ گوشت کہ ملک ءِ آبادی ءَ 2.55درسد گیشی بوتگ، 40درسد زھگ سٹنٹ انت، نزیک ءَ 25ملین زھگ وانگ ءَ چہ در انت ءُ ٹیکس ٹو جی ڈی پی ءِ تناسب ایوک ءَ 10درسد انت۔ داں وھدیکہ وانگ ءُ زانگ، جان سلامتی، آبادی منصوبہ بندی ءُ نادراھی ءِ گر ءُ دار کنگ مہ بیت پاکستان گلوبل مقابلہ ءِ تہ ءَ دیم ءَ شُت نہ کنت۔ آئی ئَ گوشت کہ برآمدات مئے آیوکیں باندات ئِ لائون لائن انت ئُُ لوٹ ئِ تک ئَ سر بوھگ ئَ ابید اقتصادی آجوئی ممکن نہ انت۔ احسن اقبال ءَ گیش گوشت کہ فورم ءِ وسیلگ ءَ نجی شعبہ ءَ را پالیسی ساز آنی گوما براہ راست جیڈھ آناں چست کنگ ءِ موہ رستگ، ایشی ءَ چہ شواہد آنی سر ءَ بنیات ءِ سر ءَ اصلاحات آنی سر ءَ عمل کنگ ءَ کمک رسیت۔ آئی ءَ گوشت کہ سیاسی اختلاف آنی باوجود توامیں صوبگ آنی بھر زوری ءَ را وش اتک کنگ بیت ءُ ’’ٹی ایم سی پاکستان‘‘ ءِ رنگ ءَ اقتصادی دیمروئی ءِ واستہ یکجائی جہد ءُ کوشست ناگزیر انت۔ آئی ءَ گوشت کہ 2035 ءَ تاں یک کھرب ڈالر ءِ معیشت ءُ 2047 ءَ تاں کھرب ڈالر ءِ معیشت ءِ ٹارگٹ ایوک ءَ راجی یکوئی ءُ اصلاحات ءِ وسیلگ ءَ سرجم کنگ بوت کنت۔ آئی ءَ گوشت کہ پاکستان ءِ اقتصادی استحکام ءُ اصلاحات ءَ ملک ءَ را جھان ءِ تک ءَ وشھالی ءِ مثال جوڑ کتگ، ءُ نوں انسانی سرمایہ ءِ مھکم کنگ، برآمدات ءِ تہ ءَ گیشی ءُ پائیدار ءُ ھواریں دیمروئی ءِ سر ءَ دلگوشی دیگ بوھگ ءَ اِنت تانکہ پاکستان وتی سرجمیں اقتصادی توانائی ءِ درشان ءَ بہ کنت۔