وفاقی وزیر تجارت جام کمال خان ءَ چمڑے ءُ سواس  ءِ صنعت ءِ ڈل ءَ گوں گند ءُ نند کتگ ، آئی ءَ را کارمرز بوتگیں پاد ءِ درآمد ءِ ھوالگ ءَ ریگولیٹری چیلنج ءُ جیڈھ آنی بابت ءَ سرپدی داتگ

اسلام آباد۔5مارچ  (اے پی پی): چمڑی ءُ سواس  ءِ صنعت ءِ ڈل ءَ وفاقی وزیر تجارت جام کمال خان ءَ گوں گند ءُ نند کتگ ءُ کارمرد بوتگیں پاد ءِ درآمد ءِ ھوالگ ءَ ریگولیٹری چیلنج ءُ جیڈھ آنی بابت ءَ سرپد کتگ۔ ڈل ءَ پاکستان ءِ جوتے ءِ صنعت ءِ برآمدات ءَ را گیش کنگ ءِ تہ ءَ کرد پیلو کنگ ءِ توانائی ءِ سر ءَ زور پر دات۔ آئی ءَ گوشت کہ پاکستان ءَ جوانیں مینوفیکچرنگ گنجائش ءُ ہنرمندیں کارکن است انت ایشی ءَ چہ ملکی کارپد ءُ میاں اوستمانی دوئیں مارکیٹ آنی واستہ پیداوار ءَ را گیش کنگ بوت کنت۔ آئی ءَ گوشت کہ پاکستان ءِ سالانہ پاد ءِ کارمردی ءِ اندازہ 550ملین جوڑہ ءِ نزیک ءَ اِنت وھدیکہ ملک ءَ سالانہ 700ملین جوڑہ ءِ نزیک ءَ مینوفیکچرنگ ءِ گنجائش اِنت، ایشی ءَ چہ ملکی سپلائی ءُ برآمدات ءِ تہ ءَ گیشی ءِ دوئیں ھاتر ءَ مزنیں گنجائش ءِ نشانی اِنت۔ صنعت ءِ نمائندگاں وفاقی وزیر ءَ را گوشت کہ اے وھد ءَ دمگی مارکیٹ ءِ تہ ءَ 30-40درسد ءِ کساس ءَ کارمرد بوتگیں پاد ءِ درآمد ءَ چہ پورا کنگ بوھگ ءَ اِنت۔ ڈل ءَ کارمرد بوتگیں پاد ءِ واستہ یک جتاہیں ہم آہنگی ءِ نظام (ایچ ایس) کوڈ ءِ دیم ءَ آرگ ءِ تجویز داتگ کہ اے وھد ءَ کارمرد بوتگیں پوشاک ءُ لوازمات ءِ رد ءَ ہمے زمرے ءِ چیر دستی ءَ درجہ بندی کنگ بوتگ۔ آہاں درشان کت کہ انوگیں درجہ بندی ءَ چہ ریگولیٹرز ءَ را جوتے ءِ درآمدات ءِ درستیں رنگ ءَ ٹریک کنگ، درستیں شناخت ءِ اندازہ کنگ ءُ شعبہ ءِ رد ءَ ریگولیٹری گامگیج آنی سر ءَ عمل کنگ مشکل جوڑ بیت۔ وفاقی وزیر ءَ صنعت ءِ اسٹیک ہولڈر آنی واھشت ءِ درشان کت کہ برآمداتی کارکردگی ءَ را گیش کنگ ءُ میاں اوستمانی جوتے ءِ مارکیٹ آنی تہ ءَ پاکستان ءِ ھستیں بستار ءَ را مھکم کنگ بہ بیت۔ دیوان ءَ دمگی جوڑ کتگیں جوتے ءِ ضلورت ءِ سر ءَ ھم تران کنگ بوت کہ آ دمگی مارکیٹ ءَ مناسب نرخ ءُ رسائی ءِ ھاتر ءَ بہ بنت۔ دیوان ءِ تہ ءَ کسٹم کلیئرنس ءِ کارروائی آناں گہتر کنگ ءِ واستہ گیشیں گامگیج آنی سر ءَ ھم تران کنگ بیت، دومی دست ءِ درآمدات ءَ گوں سیادی داروکیں ریگولیٹری چیلنج آناں گیش ءُ گیوار کنگ ءُ برآمدات ءِ سر ءَ مبنی جوتے ءِ جوڑ کنگ ءِ تہ ءَ سرمایہ کاری ءِ واستہ دلبڈی دیگ بیت۔