اسلام آباد۔5مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ سینیٹ ءَ را ھال دات کہ مزن وزیر محمد شہباز شریف ءَ نجی یونیورسٹی آنی چارٹر آنی ھوالگ ءَ بل آنی پٹ ءُ پول ءِ واستہ مزنیں تک ءِ کمیٹی جوڑ کتگ۔ پنچ شمبے ءِ روچ ءَ شماریات ءِ قائمہ کمیٹی ءِ دیوان ءَ آئی ءَ گوشت کہ کمیٹی نائب مزن وزیر ءُ دری کارانی وزیر …
مزن وزیر محمد شہباز شریف ءَ نجی یونیورسٹی آنی چارٹر آنی ھوالگ ءَ بل آنی پٹ ءُ پول ءِ واستہ مزنیں تک ءِ کمیٹی جوڑ کتگ، وفاقی وزیر ڈاکٹر طارق فضل چوہدری
اسلام آباد۔5مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ سینیٹ ءَ را ھال دات کہ مزن وزیر محمد شہباز شریف ءَ نجی یونیورسٹی آنی چارٹر آنی ھوالگ ءَ بل آنی پٹ ءُ پول ءِ واستہ مزنیں تک ءِ کمیٹی جوڑ کتگ۔ پنچ شمبے ءِ روچ ءَ شماریات ءِ قائمہ کمیٹی ءِ دیوان ءَ آئی ءَ گوشت کہ کمیٹی نائب مزن وزیر ءُ دری کارانی وزیر سینیٹر محمد اسحاق ڈار ءِ سروکی ءَ کار کنت ءُ نجی یونیورسٹی آنی جاور ءُ آھانی منشور آنی ھوالگ ءَ پیش کرتگیں کانود آنی سر ءَ سرجمیں رنگ ءَ چار ءُ تپاسی کنت۔ ڈاکٹر طارق فضل چوہدری ءَ گوشت کہ سرجمیں پٹ ءُ پول ءُ چار ءُ تپاسی ءَ پد بل پارلیمنٹ ءِ دوئیں ایوان آنی تہ ءَ چار ءُ تپاسی ءُ منظوری ءِ واستہ پیش کنگ بنت۔ ایوان ءِ کارروائی ءِ ساھت ءَ آئی ءَ چیئرمین ءَ را اے ھم لوٹ کتگ کہ آ ایجنڈا ءِ تہ ءَ ھواریں نجی یونیورسٹی آنی ھوالگ ءَ بل آناں مہتل بہ کنت دانکہ کمیٹی وتی سفارشات جوڑ بہ کنت۔
