ہارون اخترخان نا کماشی ٹی دیوان، آزاد کشمیر اٹی زرگزرانی شونداری نا مون آ دننگ، ایس ایم ای سیکٹر ءِ سوگو کننگ نا گام گیج آتیا غور

اسلام آباد۔ 04 مارچ (اے پی پی ) وزیراعظم نا خصوصی کمکار صنعت و پیداوار ہارون اخترخان آزاد کشمیر نا چیف سیکرٹری تون بڑزکو کہولی دیوان نا کماشی ءِ کرے ، ہراٹی ڈیہہ اٹی زرگزرانی شونداری نا مون آ دننگ و اسمال اینڈ میڈیم انٹرپرائزز (ایس ایم ای) سیکٹر ءِ سوگو کننگ نا گام گیج آتیا سجفنگا۔ دیوان اٹی وزارت صنعت و پیداوار نا ایڈیشنل سیکرٹری اسد اسلام مانی ، میر پور چیمبر آف کامرس نا نمائندہ غاک ، و اسمال اینڈ میڈیم انٹرپرائز ڈویلپمنٹ اتھارٹی (سمیڈا) نا سی ای او نادیہ جے سیٹھ ئسک بشخ ہلکر۔ داوخت آہارون اخترخان پارے کہ وزیراعظم شہباز شریف آزاد کشمیر نا شونداری آ خصوصی چکار کرینے ، خاص کر ایس ایم ای سیکٹر نا مون آدننگ نا کمک اٹ زرگزرانی پیش رفت ءِ ترند کننگ آ زور شاغنگ انگ ءِ۔ اوپڑو کرے کہ عئید آن پد سمیڈا آزاد کشمیر اٹی تکنیکی و کسبکاری نا ہیلکاری پروگرام تا بناءِ کیک، ہرافتے ٹی زالبول آتے واکدار کننگ آ خاص چکار کننگک۔ ڈیہہ اٹی ہوم سٹے ماڈل ہم درستی راستی کرفنگک تانکہ پائیدار کٹیانا وارخواہی ودی مرے و زالبول آتا زرگزرانی حیثیت سوگو مرے۔ حکومت نا اولیت آتے تالان کرسا اوپارے کہ ایس ایم ایز ءِ وا م و مالی آسراتی اسکان رسینگ فراوان کننگ اولین ہدف ءِ و آزاد کشمیر اٹی دا بابت خصوصی گام گیج کننگک۔