اسلام آباد۔4مارچ (اے پی پی): استیں جاور ھال آنی تہ ءَ راجی یکوئی ءُ تپاکی ءِ ضلورت ءِ سر ءَ زور پر دیان ءَ راجی اسمبلی ءُ سینیٹ ءِ تہ ءَ جتاجتائیں پارلیمانی گل آں پڑ ءَ امن ءِ واستہ پاکستان ءِ سفارتی کوشست آناں ساڑاتگ ءُ ایشی ءَ را گیش ترند کنگ ءِ ضلورت ءِ سر ءَ زور پر داتگ۔ چار شمبے ءِ روچ ءَ مزن وزیر محمد …
مزن وزیر شہباز شریف ءِ سروکی ءَ پارلیمانی پارٹی آنی سروک آنی دیوان ءَ پاکستان ءِ سفارتی کوشست آنی توسیپ کنگ بوت، بھر زوروک آنی تہ ءَ ناشرکاری ءِ ھلاسی ءِ واستہ مھکمیں جزم ءِ درشان
اسلام آباد۔4مارچ (اے پی پی): استیں جاور ھال آنی تہ ءَ راجی یکوئی ءُ تپاکی ءِ ضلورت ءِ سر ءَ زور پر دیان ءَ راجی اسمبلی ءُ سینیٹ ءِ تہ ءَ جتاجتائیں پارلیمانی گل آں پڑ ءَ امن ءِ واستہ پاکستان ءِ سفارتی کوشست آناں ساڑاتگ ءُ ایشی ءَ را گیش ترند کنگ ءِ ضلورت ءِ سر ءَ زور پر داتگ۔ چار شمبے ءِ روچ ءَ مزن وزیر محمد شہباز شریف ءِ سروکی ءَ پارلیمانی پارٹی آنی سروک ءُ نمائندہ آنی دیوان برجم دارگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ پاکستان ءُ اوگانستان ، ایران ءِ جاور ھال ، میاں اوستمانی ءُ خلیج ءِ کش ءُ چیل ءُ پاکستان ءِ سفارتی کوشست آنی ھوالگ ءَ سرپد کنگ بوت ۔ بٹن ءِ رد ءَ دیوان ءَ بھر زوروکیں سیاسی گل آنی پارلیمانی سروک آنی نیمگ ءَ پدریں رنگ ءَ وتی جیڈھ آنی درشانی کنگ بوتگ۔ شریکیں مردماں استیں جاور ھال آنی تہ ءَ راجی یکوئی، تپاکی ءُ یکوئی ءِ ضلورت ءِ سر ءَ زور پر دات ءُ دمگ ءَ امن ءِ واستہ پاکستان ءِ سفارتی کوشست آناں ساڑات کت، آھاں گیش ترند کنگ ءِ ضلورت ءِ سر ءَ زور پر دات ءُ آیوکیں کارروائی آنی سر ءَ سوج دات، وھدیکہ درستیں شریک داروکاں ملک ءَ چہ ناشرکاری ءَ را ھلاس کنگ ءِ واستہ وتی مھکمیں عزم ءِ پدر کت۔ شریکیں مردماں پاکستان ءِ مزنیں مفاد ءِ واستہ توامیں سیاسی گل آناں بھروسہ ءِ تہ ءَ زورگ ءِ مزن وزیر ءِ گامگیج ءَ را ساڑات ءُ آئی ءِ کار ءِ سر ءَ آئی ءِ منت گپت۔
