پٹرولیم ءِ وفاقی وزیر ءَ گوں سعودیہ  ءِ سفیر  ءِ   گند ءُ نند کت، پاکستان ءَ را    دکہ  ءَ چہ تیل ءِ سپلائی ءِ سکیورٹی  ءِ   دل یکیمی

اسلام آباد۔4مارچ  (اے پی پی): پٹرولیم ءِ وفاقی وزیر علی پرویز ملک ءَ پاکستان ءَ سعودی عرب ءِ سفیر نواف سعد المالکی ءَ گوں گند ءُ نند کتگ ایشی ءِ تہ ءَ وت مہ وتی مفاد ءُ دو نیمگی کمک ءِ جیڈھ آنی سر ءَ ھیال ءُ لیکہ آنی درشان کتگ۔ پٹرولیم ڈویژن ءِ جارکش ءِ رد ءَ وفاقی وزیر ءَ سعودی نمائندہ ءَ را استیں جاور ھال ءُ آبنائے ہرمز ءِ بند کنگ ءِ سبب ءَ توانائی ءِ جہانی مارکیٹ آنی سر ءَ اثر ءِ بابت ءَ سرپدی داتگ۔ آئی ءَ گوشت کہ پاکستان روچ پہ روچ بدل بوھوکیں جاور ھال آنی سر ءَ نزیکی ءَ گوں چار ءُ بچار کنگ ءَ اِنت، چیاکہ پاکستان ءِ ایندھن ءِ مزنیں بھر آبنائے ہرمز ءِ وسیلگ ءَ چہ ٹرانسپورٹ کنگ بیت۔ آئی ءَ گوشت کہ پاکستان ءِ حکومت وتی الس آناں توان ءِ برجائی ءِ دل یکیمی کنگ ءِ واستہ سرگرمیں گامگیج کنگ ءَ انت۔ آئی ءَ گوشت کہ مشکلیں جاور آنی تہ ءَ سعودی عرب ءَ را براتیں ملک ءِ نیمگ ءَ چہ کمک پاکستان ءِ واستہ سک باز المی اِنت آئی ءَ گیش گوشت کہ سعودی وسیلگ آنی نیمگ ءَ چہ لال بحیرہ ءَ جاہ منندیں سعودی بندرگاہ ینبو ءِ وسیلگ ءَ سپلائی ءِ سیکورٹی ءِ دل یکیمی کنگ بوتگ کہ ایشی ءَ چہ توان ءِ ضلورت آناں پیلو کنگ ءَ کمک رس ایت۔ علی پرویز ملک ءَ سعودی عرب ءِ مُدامی کمک ءِ سرا شگر ءُ منت واری درشان کت ءُ گوشت کہ سعودی عرب پیسر ءَ چہ پاکستان ءِ کمک ءَ کنگ ءَ انت۔ آئی ءَ گوشت کہ پاکستان ءِ واستہ خام تیل ءِ گرگ ءِ واستہ پاکستان ءَ چہ ینبو ءَ یک جہاز ءِ دیم دیگ ءِ دل یکیمی کنگ بوتگ۔ آئی ءَ اے امیت ھم سہرا کت کہ یانبو بندرگاہ ءَ چہ تیل ءِ سپلائی ءَ را پاکستان ءَ را اولیت دیگ بیت۔ سعودی سفیر نواف سعد المالکی ءَ گوشت کہ بدل بوھوکیں جاور ھال آنی سر ءَ سرجمی ءَ سرپد آں ءُ وتی جزم ءِ پدا زور دات کہ سعودی عرب ھرچ وڑیں ہنگامی ضلورت ءِ پیلو کنگ ءِ واستہ پاکستان ءِ گوما مھکمیں رنگ ءَ اوشتات کنت۔ آئی ءَ اے گپ ءِ سر ءَ زور پر دات کہ پاکستان ءُ سعودی عرب براتی ملک اَنت ءُ ضلورت ءُ آزمائشانی وھد ءَ یکے دومی ءِ ھمراھی ءَ اوشتات کن اَنت۔