وفاقی وزیر احسن اقبال ءَ انرجی چائنہ پاکستان ءِ ہیڈ کوارٹر ءِ تر ءُ تاب کتگ، نمائش ہال ءِ چار ءُ تپاسی کتگ ءُ سی پیک ءِ چیر دستی ءَ توانائی ءِ شوبگ ءَ  در جتگیں بنجاہ آنی سر ءَ چار ءُ تپاسی گپت

اسلام آباد۔4مارچ  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ اسلام آباد ءَ انرجی چائنا پاکستان ءِ ہیڈ کوارٹر ءِ تر ءُ تاب کتگ اودا آئی ءَ را وش آتک کنگ بوتگ ءُ اسٹریٹجک شریکداری ءِ جزم ءِ دوبر پدر کنگ بوتگ۔ وفاقی وزیر ءَ نمائش ہال ءِ چار ءُ تپاسی کت ءُ سی پیک ءِ چیر دستی ءَ توانائی ءِ شوبگ ءَ حاصل بوتگیں مزنیں سنگ میل آنی چار ءُ تپاسی کت۔ اے موہ ءِ سر ءَ وت مہ وتی کمک، جاری منصوبگ آنی سر ءَ پیشرفت ءُ آیوکیں وھد ءِ حکمت عملی ءِ سر ءَ زندگیں گپ ءُ تران بوت۔ ایشی ءَ پد سی ای ای سی ءِ سروکی ءُ پروجیکٹ ٹیم آنی گوما مزن تک ءِ دیوان برجم دارگ بوت، ایشی ءِ تہ ءَ سکھی کناری ہائیڈرو پاور پروجیکٹ، داسو ہائیڈرو پاور پروجیکٹ، مہمند ڈیم ءُ نیلم جھلم ہائیڈرو پاور پروجیکٹ ءَ ھوار ھاسیں منصوبگ آنی سر ءَ پیشرفت ءِ سرجمیں چار ءُ تپاسی کنگ بوت۔ اے منصوبگ آنی وسیلگ ءَ سی پیک ءِ دومی بھر ءِ چیر دستی ءَ توان ءِ رکھینگ ءُ سبزیں دیمروئی ءِ یکجائی جزم ءَ را گیش مھکم کنگ بوھگ ءَ اِنت، ھمے وھد ءَ ہائیڈرو پاور ءِ دیمروئی ءَ را ھم دیمروئی دیگ بوھگ ءَ اِنت۔ دیوان ءَ اے گپ ءِ سر ءَ زور پر دات کہ اے منصوبگ آنی وھد ءِ سر ءَ سرجم کنگ ءَ چہ توان ءِ ایمنی ءُ سبز ءُ برجمیں دیمروئی ءِ مول ءُ مراد ءِ سرجمی ءَ کمک رسیت۔ پروفیسر احسن اقبال ءَ پالیسی ءِ تسلسل، سرمایہ کاری ءِ رکھینگ ءُ ساپ ءُ سلہ ایں پد ءُ رند  ءِ جزم ءِ یک رندے پدا گوشت کہ حکومت سی پیک ءِ دومی بھر ءِ چیر دستی ءَ صنعتی کمک، سبز توانائی ءُ دمگی رابطہ ءِ دیمروئی ءِ سر ءَ ھاسیں دلگوشی دیگ ءَ اِنت ایشی ءَ چہ سرمایہ کار آنی دل یکیمی ءَ را گیش مھکم کنگ بیت۔ آئی ءَ گوشت کہ اے تر ءُ تاب پاکستان ءُ چین ءِ نیام ءَ مھکمیں سیادی، پائیدار دیمروئی ءُ دمگی وشھالی ءِ نیمگ ءَ یکجائی دیمروئی ءِ آدینک اِنت۔