قرآن پاک ءِ شرپ ءُ اِزت ءِ  نوکیں ورلڈ چیپٹر، پاکستان ءِ اولی جدید ترین ری سائیکلنگ پلانٹ سرجم بوتگ، سردار محمد یوسف ءَ پنت ءُ شون کتگ کہ زوتاں چہ زوت ایشی ءَ را فعال کنگ بہ بیت

اسلام آباد۔4مارچ  (اے پی پی): مذہبی امور ءُ بین المذاہب یکوئی ءِ وفاقی وزیر سردار محمد یوسف ءَ اسلام آباد ءَ ملک ءِ اولی قرآن ری سائیکلنگ پلانٹ ءِ تر ءُ تاب کتگ ءُ زوتاں چہ زوت ایشی ءَ را فعال کنگ ءِ پنت ءُ شون داتگ۔ اے منصوبہ ءِ مول ءُ مراد شریعت ءِ رہبندانی رد ءَ ھراب ءُ ٹپ ءُ ٹوریں مقدسیں کتابانی رکھینگ ءُ دوبر کارمرز کنگ ءِ لائک جوڑ کنگ اِنت۔ قرآن ری سائیکلنگ پلانٹ ءِ تر ءُ تاب ءِ موہ ءَ اے پی پی ءَ گوں تران کنان ءَ وفاقی وزیر مذہبی امور سردار محمد یوسف ءَ گوشت کہ سرجمیں ملک ءَ ٹپ ءُ ٹوریں نبشتانک آنی رکھینگ ءِ واستہ جاگہ ​​ءِ کمی انت ایشی ءِ سبب ءَ بے حرمتی ءِ ترس است انت۔ اے پلانٹ ءِ جوڑ کنگ ءِ وھد ءِ زوتیں لوٹ ات۔ آئی ءَ گوشت کہ پلانٹ ءِ جوڑ کنگ ءَ چہ پیسر دینی زانتکار آنی نیمگ ءَ چہ باقاعدہ فتویٰ زورگ بیت تانکہ سرجمیں ری سائیکلنگ ءِ عمل شریعت ءِ لوٹ آنی رد ءَ بہ بیت۔ وفاقی وزیر سردار محمد یوسف ءَ گوشت کہ سرجمیں پاکستان ءَ چہ پاکیں طومار ءُ دست نبشتہ ادا آرگ بنت اودا آ نوکیں سائنسی رھبند آنی کارمرد کنگ ءَ ری سائیکل کنگ بنت ءُ ایشی ءِ سیاہی ءُ کاگد ءِ رکھینگ بیت۔ آئی ءَ گوشت کہ اے پاکستان ءِ اولی مزنیں منصوبگ انت کہ وزارت مذہبی امور ءِ چیر دستی ءَ سرکاری تک ءَ سرجم بوتگ ءُ سک زوت کار بندات کنگ بیت۔ اے پی پی ءَ گوں گپ ءُ تران کنان ءَ وزارت مذہبی امور ءِ تصدیق ءُ حوالہ جات ءِ محکمہ ءِ ڈائریکٹر جنرل حافظ عبدالقدوس ءَ منصوبہ ءِ تکنیکی ءُ انتظامی تفصیلات ءِ بابت ءَ گپ ءُ تران کنان ءَ گشتگ کہ اے منصوبہ ءِ ھاتر ءَ صوبائی وقف ءِ محکمہ ءُ کونسل ءِ اسلامی بورڈ ءَ ھوار درستیں سٹیک ہولڈر آنی گوما دراجیں مشورہ کنگ بوتگ۔ آئی ءَ گوشت کہ پلانٹ ءِ واستہ نوکیں مشینری چین ءَ چہ آرڈر کنگ بوتگ کہ شریعت ءِ رژنائی ءَ جوڑ بوتگیں رھبند، رھبند ءُ آداب آناں ھیال ءَ دارگ ءَ کارمرد کنگ بیت۔ پاکستان ءَ سعودی عرب ءُ متحدہ عرب امارات ءِ رندگیری ءَ کہ دو ھاسیں اسلامی ملک اَنت، وفاقی دارالحکومت ءَ ملک ءِ اولی مزنیں ”قرآن ری سائیکلنگ“ منصوبہ بندات کتگ۔ پلانٹ ءِ آپریشنل کنگ ءِ جار جنگ بوتگ۔ اے منصوبہ ءَ پاکستان ءَ را چودہ ملکانی لسٹ ءَ ہوار کنت کہ اودا پاکیں کاگد آنی تقدس ءُ چاگردی رکھینگ ءِ ھاتر ءَ نوکیں ٹیکنالوجی کارمرز کنگ بوھگ ءَ انت۔ اسلام آباد ءِ حج کمپلیکس ءِ مقابلہ ءَ اے پلانٹ ءَ کاگد ءَ را دوبر کارمرز کنگ ءِ ھاتر ءَ ھاسیں عمل کنگ بیت۔ اے منصوبہ ءِ بنیاد ءَ جہانی رد ءَ منگ بوتگیں “صفر فضلہ” ءِ ماڈل ءِ سرا انت۔ برطانوی ملک ءَ چہ درآمد بوتگیں مشینری شریعت ءِ لوٹانی رد ءَ ”کسٹم“ کنگ بوتگ انت دانکہ ری سائیکلنگ ءِ وھد ءَ شرپ ءُ احترام برجاہ بہ بیت۔ ادا ھم چو دگہ اسلامی ملکانی وڑ ءَ ردیں چیزانی جتا کنگ ءِ نوکیں نظامے ایر کنگ بیت کہ چہ ردیں آپاں ھوار بوھگ ءَ چہ رکین ایت۔ اے پلانٹ ءَ ہر روچ یک ٹن مقدس کاگد ءَ دوبارہ کارمرز کنگ ءِ گودا ءَ بدل کنگ ءِ صلاحیت بیت۔ پاکستان ءِ اے گامگیج اے گپ ءَ ثابت کنت کہ وھدے روایت گوں نوکیں سائنس ءَ ھمگرنچ بیت گڑا اے دنیا ءِ دیم ءَ ”رول ماڈل“ جوڑ بیت۔ اے بوٹگ نوں پاکستان ءَ قرآن ءِ احترام ءِ ھاترا یک چمکداریں استعارہ یے جوڑ بیت۔