مزن وزیر ءَ ہندو کمیونٹی ءَ را ہولی ءِ روچ ءَ مبارک بات داتگ، اے میلہ پاکستان ءِ دود ءُ ربیدگ ءِ  پزوری  ءُ چاگردی یکوئی ءِ عکس اِنت، محمد شہباز شریف

اسلام آباد۔4مارچ  (اے پی پی): مزن وزیر محمد شہباز شریف ءَ ہندو مذہبی میلہ ’’ہولی‘‘ ءِ موہ ءَ ہندو کمیونٹی ءَ را مبارک بات دیگ ءِ وھد ءَ گوشت کہ اے میلہ پاکستان ءِ دود ءُ ربیدگ ءِ تنوع ءُ چاگردی یکوئی ءِ عکس اِنت، ہندو کمیونٹی مئے چاگرد ءِ یک ارزشت داریں بہرے کہ چاگردی اقتصادی دیمروئی ءِ تہ ءَ جوانیں رنگے ءَ کار کنت۔ یکوئی۔ اے ھیالانی درشانی آئی ءَ ہولی ءِ موہ ءَ وتی کلوہ ءِ تہ ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوشت کہ مرچی (چار شمبے) ھندو نیک راھی میلہ ہولی ءِ موہ ءَ پاکستان ءِ ھندو کمیونٹی ءِ واستہ نیکیں واھگ آنی درشان کنگ ءَ آں ۔ آئی ءَ گوشت کہ ہولی ءِ میلہ جوانیں رنگ آنی یکجاھی ءَ گوں چاگردی ھمگرنچی ءِ درشان ءَ کنت، ایشی ءِ دود ءُ ربیدگ پاکستان ءِ دود ءُ ربیدگ ءِ جتائی ءِ درشان اَنت۔ آئی ءَ گوشت کہ ھندو کمیونٹی مئے چاگرد ءِ ارزشتی ایں بھر اِنت ءُ ملک ءِ چاگردی ھمگرنچی، اقتصادی دیمروئی ءُ وشھالی ءُ ایمنی ءَ گوں ھمزوری ءِ تہ ءَ ایشی ءِ جوانیں کرد اِنت۔ مزن وزیر محمد شہباز شریف ءَ گوشت کہ پاکستان رنگ، نسل، مذھب ءُ عقیدہ ءِ پرک ءُ تپاوت ءَ ابید توامیں شہری آنی واستہ نیک راھی آجوئی ءُ انسانی ھک آنی رکھینگ ءَ کنت۔ آئی ءَ اے گپ پدر کت کہ پاکستان ءِ حکومت درستیں اقلیت آنی ھک آنی رکھوک اِنت، اے درگت ءَ سرکاری گامگیج آنی تہ ءَ بین المذاہب ھمگرنچی ءِ پالیسی (2025) ءُ نیک راھی رواداری ءِ حکمت عملی (2025) برجم اِنت۔ مزن وزیر محمد شہباز شریف ءَ بین المذاہب گپ ءُ تران ، عبادت جاہانی رکھینگ ءُ یکے دومی ءِ احترام ءِ چاگردی دود ءُ ربیدگ ءِ دیمروئی ءِ ھاتر ءَ راجی کار ءِ ضلورت ءِ سر ءَ زور پر دات ءُ مارا مرچی وتی راجی جزم ءِ نوک کنگ ءِ دعوت دات کہ ما امن  ءُ ایمنی ءِ ھاتر  ، یکجائی  ءُ تپاکی ءَ گوں   آیوکیں باندات ءِ واستہ گامگیج  آناں برجا داراں۔