ملک انا سلامتی و بقاکن سیکورٹی فورس آتا قربانی تے است آن دننگ مفک، پارلیمانی سیکرٹری

کوئٹہ۔ 04 مارچ (اے پی پی) پارلیمانی سیکرٹری ٹرانسپورٹ میر لیاقت لہڑی خرم ایجنسی ، وزیرستان اٹی دشمن نا برخلاف  بہادری اٹ جنگ ترسا ملک آ جان ءِ قربان کروک آ لیفٹیننٹ عصمت اللہ بنگلزئی نا شہیدی آ ڈکھیائی نا درشانی ءِ کرینے۔ تینا بیان اٹی اوپارے کہ لیفٹیننٹ عصمت اللہ بنگلزئی جان ءِ ندر کرسا قوم انا کاٹم ءِ گمر اٹ بڑزکرینے۔ اونا قربانیک زیان مفسہ، و مچ آ قوم تینا دا بہادر گلزادہ نا وامدار ءِ۔ میر لیاقت علی لہڑی شہید انا خاہوت تون ہمدردی و ہڑزخواہی نا درشانی ءِ کرسا شہید انا درجہ غاتا بڑزی و خاہوت کن صبر وجمیل نا دعاکرے۔ اوپارے کہ ملک انا سلامتی و بقاء کن سیکورٹی فورس آتا قربانی تے است آن دننگ مفک ، و مچ آ قوم فورس آتون سلوک ءِ۔