کاربوہائیڈریٹس نا زیات کاریم اٹ اتنگ و بے بریبر زند انا طرز اناسوب اُولونی ترندی اٹ ودنگ ءِ، ڈاکٹر مختار احمد بھرتھ

اسلام آباد۔ 04 مارچ (اے پی پی) وزیر مملکت جان جوڑی ڈاکٹر مختار احمد بھرتھ پارینے کہ پاکستان اٹی کاربوہائیڈریٹس نا زیات کاریم اٹ اتنگ و بے بریبر زند انا طرز انا سوب اُولونی ترندی اٹ ودنگ ءِ ہرا شوگو، است انا مرض  وہائی بلڈ پریشر کون آ بھلا ناجوڑی تا سوب جوڑ مننگ ءِ ۔ داخیال آتا درشانی ءِ او شوگو نا بابت آگاہی مہم نا بناءنا چرجوئی ٹی اڈ ہلوک  دود آن تران کرسا کرے۔ اوپارے کہ ملک اٹی ہر مسٹ آن اسہ بندغ  اُولونی نا گواچی ءِ ، ہرا اسہ تشویشناک ءُ حالیت اسے۔ اوزور شاغا کہ جان جوڑراج اسے نا ٹہیفنگ کن زند انا طرز اٹ جوان ءُ بدلی اتنگ المی ءِ۔ اگہ نن ہسپتال آتیا بھاریم ءِ کم کننگ  ءِ تو ننے تینا خور و عادت آتے بدل کروئی مریک۔ وزیر مملکت پارے کہ فاسٹ فوڈ ، زیات چکنائی و بے والا غذ ا و شوگر آن پُر شربت آتا ودوک آ کاریم اٹ اتنگ پوسکن آ چین ءِ خطرناک حداسکان زہمی کننگ ءِ۔ اوپارے کہ پاکستان اٹی ہر پنچ آن اسہ چنااُولونی نا گواچی ءِ، ہرا آخبت اٹ جان جوڑی نا بھلا تنکی تا پیش خیمہ جوڑ مننگ کیک۔ اوتعلیمی ادارہ و تعلقدار محکمہ غاتیا زور شاغا کہ او چناتیٹی جان جوڑ زند انا طرز انا مون آدننگ کن فعال کڑد ادا کیر۔