پاکستان نا 9 ملاح تے اوفتا جہاز آن بندرعباس آ گدریفینن، ایران اٹی پاکستانی سفیر

اسلام آباد۔ 04 مارچ (اے پی پی) ایران اٹی پاکستان نا سفیر مدثر ٹیپو پارینے کہ تدوک آ نن پاکستان نا9 ملاح تے اوفتا جہاز آن بندر عباس آ گدریفینن، ترند انگا چیلنج آتیان پد ہم دا انخلا ممکن مننگ کرینے۔ چارشنبے نادے آ’’ایکس‘‘ آ اسہ پوسٹ اسے ٹی اوپارے کہ اودے دا پارسا خوشی مننگ ءِ کہ تدوک آ نن نن تینا 9 ملاح تے اوفتا جہاز آن بندرعباس آ گدریفنگ اٹ سرسہب مسونن۔ سفیر پارے کہ دافتیان 6 ملاح تینا مرضی اٹ جہاز آ ہی رہینگ انگ آ فیصلہ کریر۔ پاکستانی سفیر پارے کہ قونصلر خالد تاشقین و شاہد کشمیری کشنگ اٹ اہم کڑد ادا کریر۔  اوپارے کہ اینو او گڑاس ملاح آتون فون آ ہیت کرسا اوفتاخیریت نا اَرفے، اوفتے اینو ہی پاکستان روانہ کننگ انگ ءِ ۔ پاکستانی سفیر  دا غٹ بندغ خاص کر قونصلر خالد تاشفین و شاہد کشمیری نا است انا ہب اٹ منت واری ءِ ہرفے ہرافک اوفتا پاکستانی آ پدی اتنگ نا عمل اٹی کمکاری کریر و ہرافتا کوشست آتیان مشکل آتیان پد ہم دا انخلاء ممکن مننگ کرے۔