آپریشن غضب للحق،  بلوچستان و خیبر پختونخوا ٹی اوغان طالبان تا ڈغاری جلہو آتے بے سہب کننگا،بلوچستان و خیبرپختونخواٹی  67 اوغان کارندہ خلنگار، وطن نا رکھ ءِ کرسا اسہ ایف سی ورنا اس شہید و 5 ٹھپی مسُر، عطاء اللہ تارڑ

اسلام آباد۔ 03مارچ (اے پی پی) اوغان طالبان تا کنڈ آن قطبی بلوچستان اٹی 16 ہند آتیا ڈغاری جلہو و 25 ہند آتیا فائر ریڈ، وخت اس کہ خیبر پختونخوا ٹی اسہ ہند اسے آ ڈغاری جلہو و 12 فائر ریڈ کننگا ہرافتے بے سہب کننگا۔ بنجائی وزیرِ حوالکاری و شینکاری عطاء اللہ تارڑ سے شنبے نا دے راجی رابطہ نا پلیٹ فارم "ایکس” آ تینا اسہ پوسٹ اسے ٹی آپریشن غضب للحق نا بابت 3 مارچ سہب انا 10 بجہ اسکان نا خصوصی اپڈیٹ شیئر کرے، ہرافتا رِد اٹ اوغان طالبان قطبی بلوچستان نا قلعہ سیف اللہ، نوشکے و چمن نا ضلع غاتیٹی 16 ہند آتیا ڈغاری جلہو کریر، وخت اس کہ 25 ہند آتیا پاک فوج انا برخلاف فائر ریڈ نا کارروائی کریر۔غٹ ہند آتیا جلہو آتے پسپا کننگاہرا فتے ٹی اوغان طالبان نا 27 کارندہ خلنگار و چندیک ٹھپی مسر ۔ لمہ وطن نا رکّھ ءِ کرسا ایف سی بلوچستان نارتھ نا اسہ ورنا اس شہید مس، وخت اس کہ پنچ ورنا ٹھپی مسُر۔ ہندا وڑ خیبر پختونخوا ٹی ہم اسہ ہند اسے آ ڈغاری جلہو نا کوشست کننگا، وخت اس کہ 12 ہند آتیا فائر ریڈ کننگا، ہرافتے بیدس جانی نسخان نا بے سہب کننگا۔ خیبر پختونخوا ٹی مچ آ نن جاری کارروائی تیٹی اوغان طالبان تا 40 کارندہ خلنگار۔ آپریشن داسکان برجاءِ ۔