مزن وزیر شہباز شریف ءَ کیش لیس معیشت ءِ دیمروئی ءِ ھوالگ ءَ جائزہ دیوان ءِ سروکی کت،   گیشینتگیں  بوتگیں وھد ءِ تہ ءَ ڈیجیٹل ادائیگی ءِ نظام ءِ ٹارگٹ آنی سرجمی ءَ را دل یکیمی کنگ ءِ پنت ءُ شون

اسلام آباد۔3مارچ  (اے پی پی): مزن وزیر محمد شہباز شریف ءَ ڈیجیٹل پیمنٹ سسٹم ءِ ٹارگٹ ءِ ھواریں وھد ءِ تہ ءَ سرجمی ءَ را دل یکیمی کنگ ءِ پنت ءُ شون کتگ۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ سئے شمبے ءِ روچ ءَ مزن وزیر محمد شہباز شریف ءِ سروکی ءَ کیش لیس معیشت ءِ دیمروئی ءِ ھوالگ ءَ جائزہ دیوان برجم دارگ بوت۔ گند ءُ نند ءَ وفاقی وزراء محمد اورنگزیب، احد خان چیمہ، عطاء اللہ تارڑ، شزہ فاطمہ خواجہ، علی پرویز ملک، وزیرِ مملکت بلال اظہر کیانی، گورنر سٹیٹ بینک جمیل احمد، صوبائی چیف سیکرٹریز  ءُ سیادی داروکیں مزنیں حکام ءَ بہر زرتگ ات۔ گند ءُ نند ءِ تہ مزن وزیر ءَ اقتصادی ٹیم ءُ اسٹیٹ بینک ءِ توسیپ کت کہ آ وفاقی ءُ صوبائی حکومت ءِ نیمگ ءَ چہ دکاندار آناں پگار، پنشن ءُ ادائیگی ءَ را براہ راست ڈیجیٹل ادائیگی ءِ نظام ءَ دیم ءَ برگ ءَ انت ءُ وزارت ءِ خزانہ ءِ ٹیم ءِ کارکردگی ءَ را ساڑات کہ سٹیٹ بینک  ءِ توسیپ کت ءُ   جولائی 2025  ءَ چہ  جنوری 2026 ءَ تاں  صوبائی حکومت آنی نیمگ ءَ چہ راست ءِ وسیلگ ءَ   1.6 کھرب کلدار ءِ براہ راست ادائیگی کنگ  ءِ پد ءَ توسیپ کت۔  آئی ءَ بے نظیر انکم سپورٹ پروگرام ءِ ٹیم ءِ ھم توسیپ کت کہ آ مزن وزیر ءِ رمضان ریلیف پیکج ءِ چیر دستی ءَ تاں انوگ ءَ 71درسد مستحقیں مردم آناں ریلیف فنڈز پجارینگ ءَ انت۔ دیوان ءَ را سرپد کنگ بوت کہ گوستگیں سال ءَ رمضان ءِ 12می روچ ءَ تاں فائدگ مند آناں فنڈز ءِ پجاری 24درسد بوتگ وھدیکہ اے سال ءَ مزن وزیر ءِ ھاسیں پنت ءُ شون ءِ سر ءَ وھد ءِ سر ءَ چست کتگیں گامگیج آنی سبب ءَ 71درسد ءِ نشان ءَ چہ گوستگ۔ مزن وزیر ءَ پنت ءُ شون کت کہ ڈیجیٹل ادائیگی ءِ نظام ءِ ٹارگٹ آناں ایر کنگ ءِ وھد ءُ پاس ءِ تہ ءَ دل یکیمی کنگ بہ بیت۔ گند ءُ نند ءَ گوشگ بوت کہ ڈیجیٹل بینکنگ ءَ چہ سیت چست کنوکیں مردمانی کساس 127 ملین ءَ چہ گیش بوتگ ۔ اے موہ ءِ سر ءَ مزن وزیر ءَ پنت ءُ شون کت کہ توامیں سرکاری ادارگ توامیں بل آنی سر ءَ کیو آر کوڈ بہ دنت تانکہ شہری آناں آسراتی پجاری بہ بیت۔ گند ءُ نند ءَ وزارت خزانہ، اسٹیٹ بینک، بی آئی ایس پی، وزارت انفارمیشن ٹیکنالوجی ءُ ہمگرنچیں ادارگ آنی نیمگ ءَ ملک ءَ ڈیجیٹل ادائیگی ءِ ھوالگ ءَ کتگیں گامگیج آنی بابت ءَ سرپد کنگ بوت۔ دیوان ءَ ڈیجیٹل ادائیگی ءِ ماحولیاتی نظام ءِ ھوالگ ءَ ڈیش بورڈ ءِ ھوالگ ءَ ھم بریفنگ دیگ بوت۔