آپریشن غضب للحق، بلوچستان ءُ خیبر پختونخوا ءَ اوگان طالبان ءِ زمینی اُرش بے سوب کنگ بوتگ اَنت، بلوچستان ءُ خیبر پختونخوا ءَ 67 اوگان آپریٹو بیران بوتگ اَنت، وطن ءِ رکھینگ ءِ وھد ءَ یک ایف سی جوان شہید ءُ 5 ٹپیگ بوتگ اَنت، عطا اللہ تارڑ

اسلام آباد۔3مارچ  (اے پی پی): اوگان طالبان ءَ رودراتکی بلوچستان ءَ 16 جاگہ ​​ءَ زمینی اُرش کتگ ءُ 25 جاگہ ​​ءَ فائر ریڈ کتگ، وھدیکہ خیبر پختونخوا ءَ یک جاھے ءَ زمینی اُرش ءُ 12 فائر ریڈ  ناکام کنگ بوتگ اَنت۔  وفاقی وزیر اھوالکاری ءُ شنگ کاری عطا اللہ تارڑ ءَ سئے شمبے ءِ روچ ءَ سوشل میڈیا پلیٹ فارم ”ایکس“ ءِ سر ءَ وتی پوسٹ ءِ تہ ءَ آپریشن غضب للحق ءِ بابت ءَ ھاسیں اپ ڈیٹ شیئر کتگ ءُ 3 مارچ ءَ تاں 10بج ءَ اوگان طالبان ءَ 16 جاھاں زمینی اُرش کتگ۔ جاہ ءَ پاکستانی لشکر ءِ ھلاپ ءَ تیرگواری کنگ ءَ انت۔ اے اُرش دراھیں جاھاں جوانیں رنگے ءَ دیم ءَ آرگ بوتگ اَنت ءُ ایشی ءِ آسر ءَ 27 اوگان طالبان ءِ کارندہ بیران ءُ بازیں مردم ٹپیگ بوتگ اَنت۔ ماتیں گلزمین ءِ رکینگ ءِ وھد ءَ ایف سی بلوچستان نارتھ ءِ یک سربازے شہید بوتگ ءُ پنچ ٹپی بوتگ ۔ ھمے رنگ ءَ خیبر پختونخوا ءَ یک جاھے ءَ زمینی اُرش ءِ کوشست کنگ بوتگ وھدے کہ 12 جاھاں آتشیں اُرش کنگ بوتگ کہ ھچ وڑیں تاوان ءِ ھست نہ بوھگ ءَ ناکام کنگ بوتگ۔ خیبر پختونخوا ءَ سرجمیں شپ ءَ برجاہ بوتگیں آپریشن ءِ وھد ءَ 40 اوگان طالبان ءِ کارندہ بیران بوتگ اَنت۔ پیگیری ءِ کارروائی انگت ءَ برجاہ اِنت۔