آئی ایم ایف نا امریکہ آن تینا شریدار آتون کمک کننگ و واپاری پابندی تے  تا کم کننگ نا خواست

نیویارک۔ 26 فروری (اے پی پی) جہانی مالیاتی فنڈ (آئی ایم ایف) امریکہ آن شریدار آتون کمک کننگ و واپاری پابندی تے کم کننگ نا خواست کرینے ۔ سی جی ٹی این نا رداٹ، جہانی مالیاتی فنڈ امریکہ نا 2026 نا "آرٹیکل فور سلابتی بیان اٹی پارینے کہ امریکہ ءِ مرے کہ او تینا واپاری شریدار آتون تعمیری وڑ اٹ کمک کے، غیر منصفانہ واپاری کارروائی تا بابت گڑتی تے  چٹفےو داوڑنا واپاری پابندی تیٹی کمتی آ امنائی سلاہ ودی کننگ نا کوشست کے ہرافتا منفی جہانی اثر تمک۔بیان اٹ دا ہیت ہم پاننگانے کہ ہراتم قومی سلامتی نا سوب آتا بناء آ محصولات و برآمدی کنٹرول تون اوار واپار ی و زرکاری گام گیج کننگے تو دا پالیسیک اسہ محدود ءُ دائرہ سے ٹی مریر تانکہ دا گام گیج آتا تینا ملک درملکی منفی اثرآتے کم آن کم کننگ مرے ۔بیان اٹ مستی پاننگانے کہ محصولات ٹی ودکی پیداواری وسیلہ غاتے خراب کروک آگام اسے، ہرا جہانی سپلائی چین ءِ زہمی کیک اور جہانی واپار نا فائدہ غاتے نسخان رسیفک، و ہندا سوب آن خڑچ اٹی ودکی مریک۔یاد سلے کہ امریکی حکومت 2025 نا بناء ٹی بھلو کچ اسے آکسٹمز ڈیوٹیز ءِ ودفنگ نا پالیسی نافذ کننگ نا بناءِ کرے ، ہراڑان جہانی واپاری نظام اٹ خلل ودی مس۔