کوئٹہ۔ 25 دسمبر (اے پی پی) پاکستان مسلم لیگ (ن) نا پارلیمانی لیڈر و صوبائی وزیر میر سلیم احمد خان کھوسہ مسلم لیگ ن نا قائد مسکوہی وزیراعظم میاں محمد نواز شریف نا سال دے انا وخت آ مبارکبادی ترساپارینے کہ میاں محمد نواز شریف پاکستان نا سیاست اٹی اسہ سوگو، باوقار و الس دوست راہشون اسے نا حیثیت تخک اوپارے کہ میاں محمد نواز شریف مدام ملک و قوم …
صوبائی وزیر میر سلیم احمد خان کھوسہ مسکوہی وزیراعظم نواز شریف ءِ سال دے انا مبارکبادی تس
گیشتریں ھال
کوئٹہ۔ 25 دسمبر (اے پی پی) پاکستان مسلم لیگ (ن) نا پارلیمانی لیڈر و صوبائی وزیر میر سلیم احمد خان کھوسہ مسلم لیگ ن نا قائد مسکوہی وزیراعظم میاں محمد نواز شریف نا سال دے انا وخت آ مبارکبادی ترساپارینے کہ میاں محمد نواز شریف پاکستان نا سیاست اٹی اسہ سوگو، باوقار و الس دوست راہشون اسے نا حیثیت تخک اوپارے کہ میاں محمد نواز شریف مدام ملک و قوم انا شونداری، جمہوریت نا سوگوی و الس نا راجی آسودہی کن عملی گام گیج کرے میر سلیم احمد خان کھوسہ پارے کہ قائدِ الس میاں محمد نواز شریف نا کماشی ٹی پاکستان مسلم لیگ (ن) ملک ءِ شونداری نا کنڈآ درے بھلا شونداری ڈٹ آتے درستی راستی کرفے و زرگزران ءِ سوگو بنداوتیا استوار کرے ۔ اوپارے کہ میاں محمد نواز شریف مدام آئین و کانود نا بالادستی جمہوری قدر و السی مینڈیٹ نا شرف نا درس تس اینو ہم اونا سیاسی جہد و قربانی کارندہ غاتیکن کسر نا ڈیواءِ۔ پارٹی قائد نا سوچ و وژن نا رداٹ پاکستان مسلم لیگ (ن) السی خذمت نا مشن ءِ برجاتخک میر سلیم احمد خان کھوسہ قائدِ الس میاں محمد نواز شریف نا وئی نا بھلنی جان جوڑی و پین سرسہبی تیکن دعاکرساپارے کہ انشاء اللہ اونا کماشی ٹی پاکستان شونداری ، شونہالی و سوگوی نا پوسکن آمزل آتے طے کیک۔
