سبی۔ 06 نومبر (اے پی پی) ضلع سبی ٹی پشہ غاتا بہتات و السی خواست آ اینو نن آن پشہ خلنگ اسپرے مہم نا باقاعدہ بناءِ کننگانے۔ مہم نا بناءِ وائس چیئرمین میونسپل کمیٹی سردار زادہ میر دینار خان ڈومکی بٹن ءِ خلسا کرے۔ بنائی وخت آ ڈپٹی کمشنر سبی میجر(ر) الیاس کبزئی، چیئرمین میونسپل کمیٹی سردار محمد خان خجک، اسسٹنٹ کمشنر سبی منصور علی شاہ تون اوار ایلو شرفمند …
سبی ٹی اینو آن پشہ خلنگ مہم نا بناءِ کننگا، چیئرمین میونسپل کمیٹی
گیشتریں ھال
سبی۔ 06 نومبر (اے پی پی) ضلع سبی ٹی پشہ غاتا بہتات و السی خواست آ اینو نن آن پشہ خلنگ اسپرے مہم نا باقاعدہ بناءِ کننگانے۔ مہم نا بناءِ وائس چیئرمین میونسپل کمیٹی سردار زادہ میر دینار خان ڈومکی بٹن ءِ خلسا کرے۔ بنائی وخت آ ڈپٹی کمشنر سبی میجر(ر) الیاس کبزئی، چیئرمین میونسپل کمیٹی سردار محمد خان خجک، اسسٹنٹ کمشنر سبی منصور علی شاہ تون اوار ایلو شرفمند آ شخصیت آک ہم ساڑی ئسر۔ مہم اٹی سبی شار انا چندی علاقہ، گلی و محلہ غاتیٹی اسپرے کننگک تانکہ پشہ غاتا رُدنگ و اوفتیان تالان مروک آناجوڑی تا توننگ ءِ ممکن کننگ مرے۔ چیئرمین میونسپل کمیٹی سردار محمد خان خجک پارے کہ اسپرے مہم السی جان جوڑی نا رکھ اکن اسہ اہم ءُ گام اسے، و میونسپل عملہ داچرجوئی ٹی تینا زمواری تے پبی وڑاٹ ادا کیک۔ اسپرے مہم نا کاریم نا دنگ ءِ شار انا غٹ علاقہ غاتسکان ودفنگک۔
