لائن آف کنٹرول ءِ دوئیں نیمگ ءُ سرجمیں دگنیا ءِ کشمیری آں 27 اکتوبر ءَ سیاہیں روچ ءِ رنگ ءَ برجم دارگ بیت

اسلام آباد۔26اکتوبر  (اے پی پی):لائن آف کنٹرول ءِ دوئیں نیمگ ءُ سرجمیں دگنیا ءِ کشمیری مردم 27اکتوبر ءَ را سیاہیں روچ ءِ رنگ ءَ برجم دار اَنت تانکہ بھارت ءِ قبضہ ءِ چیر ءَ جموں ءُ کشمیر ءِ سر ءَ برجاھیں قبضہ ءِ مذمت کنگ ءُ انسانی ھک آنی لگتمالی ءِ سر ءَ جھان ءِ دلگوشی ءِ دیم ءَ آرگ بہ بیت۔ اے روچ ءِ یات ءَ ھما واقعہ ءِ یات ءَ دارگ بیت کہ 1947 ءَ بھارتی اُرد جموں ءُ کشمیر ءَ داخل بوتگ اَنت کہ کشمیری راج اے واقعہ ءَ برصغیر ءِ بہر ءُ بانگ ءِ منصوبگ ءُ وتی راجی واھشتانی ھلاپ ورزی لیک اَنت۔ ہر سال اے روچ یک غمناکیں یات ءِ رنگ ءَ برجم دارگ بیت کہ ایشی ءِ تہا دہائیاں زلم ءُ زوراکی ءُ وت واجہی ءِ حق ءِ نا سرجمیں وعدہانی عکس گندگ بیت۔ انسانی حقانی گل ءُ دمگی وسیلگ ءِ رد ءَ 5 اگست 2019 ءَ ہندوستان ءَ مقبوضہ کشمیر ءِ نیم وت واجہی ءِ درجہ رد کنگ ءَ پد انسانی جانی تاوان ءِ تہ ءَ مدام گیشی بوھگ ءَ اِنت ءُ ھالانی رد ءَ تاں انوگ ءَ 1041 مردم بیران بوتگ اَنت۔ مردم بیران بوتگ انت کہ ایشانی تہا 280 مردم مبینہ حراست یا جعلی مقابلہ ءِ تہا بیران بوتگ انت۔ دگہ 2652 مردم زوراکی یا تیرگواری ءَ ٹپیگ بوتگ اَنت ءُ 29945 مردم جتا جتائیں آپریشن یا زھرشانی ءِ وھد ءَ دزگیر کنگ بوتگ اَنت۔ 1100 ءَ چہ گیش آتش زنی ءِ اُرشانی تہ ءَ لوگ، دکان ءُ سرکاری ماڑی نشانگ جوڑ کنگ بوتگ اَنت۔ آمار ءِ رد ءَ 82 جنین آدم بیواہ بوتگ اَنت، 230 زھگ یتیم بوتگ اَنت ءُ 137 جنین آدم گروہی تجاوز یا آزار ءُ اذیت ءِ آماچ بوتگ اَنت۔ 2019 ءَ چہ 22707 پٹ ءُ پولی کارروائی کنگ بوتگ کہ ایشی ءَ چہ الس ءِ تہ ءَ ترس ءُ بیم ءِ چاگرد پیداک بوتگ۔ انسانی حقانی کارکناں مقبوضہ کشمیر ءَ را دنیا ءِ دراجیں ءُ نادلگوشیں جنگانی تہا یکے لیک اتگ۔ ایمنسٹی انٹرنیشنل ءُ ہیومن رائٹس واچ ءَ ھم بے جاہیں زور ءِ کارمرد کنگ، ناجائزیں دزگیر کنگ ءُ رابطہ ءِ بندش ءِ سر ءَ مزنیں نگرانی ءِ درشانی کتگ۔ سیاہ روچ ءِ تیاری ءِ ھوالگ ءَ جلسہ، سیمینار ءُ یکوئی ءِ مراگش برجم دارگ بنت کہ ایشی ءِ تہ ءَ اقوام متحدہ ءُ میاں اوستمانی ادارگاں چہ کشمیر ءِ جیڈھ ءِ گیواری ءُ انسانی ھک آنی برجائی ءِ واستہ عملی کرد پیلو کنگ ءِ اپیل کنگ بیت۔ سال ءَ پد ھم اے جیڑہ ھلاس نہ بوتگ۔ لاکھوں کشمیری آنی واستہ 27اکتوبر ایوک ءَ راجدپتری روچ نہ اِنت بلکیں ظلم ءِ ھلاپ ءَ مزاحمت ءُ شرپ ءِ جہد ءِ علامت اِنت۔