بلوچستان ءِ سر وزیر سرفراز بگٹی ءَ جمیعت علماء اسلام ءِ سروک مولانا فضل الرحمن ءَ وتی گس ءَ گوں گند ءُ نند

کوئٹہ۔ 28 جون (اے پی پی): بلوچستان ءِ سر وزیر سرفراز بگٹی ءَ یک شمبے ءِ روچ ءَ اسلام آباد ءَ جمیعت علماء اسلام ءِ سروک مولانا فضل الرحمن ءَ گوں گند ءُ نند کتگ ءُ ملک ءِ سرجمیں سیاسی جاورھال، راجی ءُ وت مہ وتی نپ ءِ جتا جتائیں جیڈھانی سر ءَ ھیال ءُ لیکہ درشان کتگ۔ اے موہ ءِ سر ءَ بلوچستان ءَ امن ءُ ایمنی ءِ انوگیں جاورھال ءُ صوبہ ءِ تہ ءَ امن ءِ برجائی ءِ واستہ سرکار ءِ نیمگ ءَ چست کنگ بوتگیں برجاھیں گامگیج آنی سر ءَ ھم گپ ءُ تران کنگ بوت۔ بنجاھی وزیر سرفراز بگٹی ءَ بلوچستان ءَ امن ءُ ایمنی ءُ الس ءِ جان ءُ مال ءِ رکھینگ ءِ واستہ صوبائی حکومت ءِ جزم ءِ سر ءَ سرپدی درشان کت ءُ گوشت کہ حکومت ناشرکاری ءُ ناامنی ءِ ھلاسی ءِ واستہ سرجمیں سیادی داروکیں ادارگ آنی گوما سرجمیں ھمگرنچی ءَ جوانیں گامگیج زورگ ءَ اِنت۔ مولانا فضل الرحمن ءُ بلوچستان ءِ سر وزیر ءَ ملک ءِ برجائی ، سیاسی ھمگرنچی ءُ بلوچستان ءَ امن ءُ دیمروئی ءِ دیم ءَ برگ ءِ واستہ یکجائی کوشست ءِ ارزشت ءِ سر ءَ ھم تپاک کتگ ۔ دیوان وشیں چاگردے ءَ بوتگ، ایشی ءِ تہ ءَ وت مہ وتی دلچسپی ءِ دگہ جیڈھ آنی سر ءَ ھم سرجم ءُ برجمیں گپ ءُ تران کنگ بوتگ۔