وفاقی داخلہ ءِ وزیر محسن نقوی ءَ فتنہ الخوارج   ءِ ناشرکار ی  ءِ کوشست ءِ ناکام کنگ ءِ ھاتر ءَ سیکورٹی فورسز ءَ  را توسیپ ءُ ستا

اسلام آباد۔26اکتوبر  (اے پی پی):وفاقی داخلہ ءِ وزیر محسن نقوی ءَ پاک اوگانستان ءِ سیمسر ءَ چہ فتنہ الخوارج ءِ نفوذ ءِ کوشست آناں ناکام کنگ ءِ ھاتر ءَ سیکورٹی فورسز ءَ را شگر ءُ منت گپت ءُ آپریشن ءِ تہ ءَ وتی جان ندر کتگیں پنچ سپاھیگ  آناں توسیپ ءُ ستا پیش کتگ۔ آئی ءَ گوشت کہ بہادریں سیکورٹی فورسز ءَ وھد ءِ سر ءَ کارروائی کتگ ءُ 4 وتکش تراک ءَ ھوار 25 خوارج کشتگ۔ وزیر داخلہ ءَ گوشت کہ سیکورٹی فورسز ءَ را 25خوارج ءَ را مثالی آسر ءَ سر کنگ ءَ مزنیں سوبمندی یے رستگ، راج ءَ را سیکورٹی فورسز ءِ پیشہ وارانہ ءُ دلیری ءِ سر ءَ پخر انت۔ محسن نقوی ءَ گوشت کہ راج سیکورٹی فورسز ءِ کش ءَ اوشتاتگ، بہادریں بچاں وطن ءِ واستہ سراں ندر کنان ءَ خوارج ءِ بدیں نیت ناکام کتگ، شہید آنی مزنیں قربانی آناں سلام کناں۔