اکتوبر راجدپتر ءِ سیاہیں روچ اِنت، ہندوستان ءَ وتی مرضی ءِ ھلاپ ءَ کشمیر ءِ سرا قبضہ کتگ، اورنگزیب خان کھچی

اسلام آباد۔26اکتوبر  (اے پی پی):راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ گوشت کہ پاکستان 27اکتوبر ءَ را سیاہیں روچ ءِ رنگ ءَ برجم دار ایت تانکہ بھارت ءِ قبضہ ءِ چیر ءَ جموں ءُ کشمیر ءِ سر ءَ ناجائزیں قبضہ ءِ مذمت کنگ بہ بیت۔ یک شمبے ءِ روچ ءَ وتی کلوہ ءِ تہ ءَ وفاقی وزیر ءَ گوشت کہ 27اکتوبر 1947 راجدپتر ءِ تہ ءَ سیاہیں روچ اِنت کہ بھارتی اُرد ءَ کشمیری الس ءِ واھشت ءِ ھلاپ ءَ ءُ اقوام متحدہ ءِ قرارداد آنی ھاسیں ھلاپ ورزی ءَ جموں ءُ کشمیر ءِ سر ءَ ناجائزیں رنگ ءَ قبضہ کتگ۔ آئی ءَ گوشت کہ اے روچ دگنیا ءَ را ھما وعدہ ءِ یات ءَ دنت کہ کشمیری الس ءَ گوں وتی وت واجئی ءِ ھک ءِ ھوالگ ءَ پیلو کنگ نہ بوتگ۔ اورنگزیب خان کھچی ءَ اے گپ ءِ پدرائی کت کہ پاکستان کشمیری برات آناں سیاسی، اخلاقی ءُ سفارتی کمک ءَ را برجاہ دار ایت داں وھدے آ اقوام متحدہ ءِ قرارداد آنی رد ءَ وت واجہی ءِ حق ءِ ھاترا سوبمند بہ بنت۔ آئی ءَ میاں اوستمانی براتی، انسانی ھکانی گل ءُ جھان ءِ طاقت آناں لوٹ کت کہ آ مقبوضہ کشمیر ءَ بھارتی اُرد آنی نیمگ ءَ انسانی ھک آنی مزنیں لگتمالی آنی نوٹس ءَ بہ زور اَنت ءُ جنوبی ایشیا ءَ دائمی امن ءِ برجائی ءِ تہ ءَ وتی کرد ءَ پیلو بہ کن اَنت۔ وفاقی وزیر ءَ گوشت کہ دود ءُ ربیدگی ءُ راجدپتری ارزشت آنی بنیات ءَ آجوئی، انصاف ءُ انسانی شرپ ءِ سر ءَ ایر کنگ بوتگ ءُ کشمیری راج ءَ اے رھبند آنی پجّار کنگ ءِ واستہ بازیں وھد ءَ چہ جہد ءُ کوشست کتگ۔ آئی ءَ دل یکیمی دات کہ پاکستان ءِ حکومت کشمیری الس ءِ گوما سرجمیں رنگ ءَ یکوئی ءِ تہ ءَ اوشتاتگ ءُ جھان ءِ تک ءَ آھانی مکسد ءَ را دیم ءَ برگ ءَ برجاہ دار ایت۔